Publicado en Eleiciones

Villaverde gana les eleiciones al Rectoráu de la Universidá d’Uviéu

Sacó un 52,45 por cientu del votu ponderáu.

Ignacio Villaverde ye’l rector nuevu de la Universidá d’Uviéu tres superar na votación celebrada güei al actual, Santiago García Granda, qu’optaba a la reeleición. El caderalgu de Derechu Constitucional sumó 2.415 votos non ponderaos polos 2.187 del so rival.

Al tener los cuatro grupos con derechu a sufraxu pesu diferente, fíxose una ponderación tres la que siguió ganando Villavede con un 52,45 por cientu por un 47,50 por cientu. El rector nuevu tuvo más apoyos nos dos de de más pesu’l, el del personal docente permanente (55 por cientu) y el de los estudiantes (25 por cientu), y nel del personal d’alministración y servicios (10 por cientu), mentes que García Granda fíxolo nel del personal docenten non permanente (10 por cientu).

Finalmente, de les 6.956 persones con derechu a votu que pidieron la verificación pa exercelu nesta cita eleutoral telemática participaron 4.899, polo que finalmente foi’l 20,42 por cientu del censu’l que votó nesta ocasión. Nel 2016, na segunda vuelta de l’anterior, presencial, algamóse una participación del 26,67 por cientu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *