Publicado en Curiosidaes, Inventos

El primer coche volador AirCar consigue’l certificáu oficial d’aeronavegabilidad

Esti AirCar avéranos un pocu a ese futuru suañáu: convirtióse nel primer coche volador en completar un vuelu interurbanu.

Concebíu pola empresa eslovaca Klein Vision y diseñáu pol so dueñu y fundador Stefan Klein, esti AirCar desapegó nel aeropuertu de la ciudá de Nitra para aterrizar pocu más de media hora dempués nel de Bratislava. A cada unu d’estos aeropuertos llegó y foise circulando per carretera, como cualquier coche.

El primer coche volador AirCar consigue’l certificáu oficial d’aeronavegabilidad de l’Autoridá de Tresporte d’Eslovaquia

El Certificáu foi expedíu en completando con ésitu 70 hores de rigoroses pruebes de vuelu compatibles coles normes de l’Axencia Europea de Seguridá Aérea (AESA), con más de 200 despegues y aterrizaxes.

Les esixentes pruebes de vuelu incluyeron tola gama de maniobres de vuelu y rendimientu y demostraron una estelante estabilidá estática y dinámica na manera avión. Los procedimientos de despegue y aterrizaxe llográronse inclusive ensin que’l pilotu tuviera que tocar los mandos de vuelu.

Precisóse un equipu de 8 especialistes altamente cualificaos y más de 100.000 hores de trabayu para convertir los dibuxos del diseñu en modelos matemáticos con cálculos d’analises CFD, pruebes nel túnel de vientu, prototipu de diseñu 1:1 propulsau por un motor eléctricu de 15KW hasta’l prototipu de manera dual de 1.000 kg de 2 places propulsau por un motor BMW de 1,6L que llogró’l finxu crucial de la certificación.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *