Publicado en Curiosidaes

En Xapón, los arrozales y el trigu tresformen cada añu n’obres d’arte

Qu’el arroz merezse un monumentu ye daqué no que tol mundu puede tar d’alcuerdu. Pero, ¿qué pasaría si tresformen los so campos de cultivu en grandes obres d’arte? Semeyes…

L’arroz ye unu de los alimentos básicos na dieta y unu de los más importantes dientro de la cultura asiática. Tantu qu’en Xapón, dedicáron-y un festival artísticu a los campos de cultivu.

Del 2 al 6 de setiembre acordies con el calendariu gregorianu, que coincide cola dómina de collecha del granu, los niponos tienen marcáu’l momentu nel que l’arroz empieza a maurecer.

Mientres la temporada celebren ceremonies tradicionales establecíes fai cientos d’años y apocayá estableciéronse una serie de festivales pel país que xunen un símbolu asiáticu como l’arroz, col arte.

Na prefectura de Saitama tien llugar el Gyoda Rice Paddy Art (arte d’arrozal de Gyoda), onde equí lo qu’importa ye’l tamañu y, ello ye que en 2015 fueron reconocíos pol Guiness World Records como’l campu d’arroz artístico más grande del mundu.

En Saitama, los granxeros lleven dende 2008 llantando distintos tipos d’arroz, que se desenvuelven a finales de xunetu y enllenen de distintos colores la tierra, afayando adulces los murales semaos hasta mediaos d’agostu, momentu nel que’l públicu puede ver con claridá los dibuxos.

Anguaño, la obra na que s’afitaron toles miraes representa’l Monte Fuji de la obra de Katsushika Hokusai y un actor kabuki. Twitter

Pero los arrozales nun son l’únicu mediu sobro’l que puede crease arte con esti alimentu. El Wara Art Festival, en Niigata, ye aparente pa los más pequenos poles sos construcciones de grandes dimensiones que recreen, na so mayoría, animales que paecen abondo reales.

Les escultures tán feches a base de la demasía de les fueyes de trigu (llamaes wara en xaponés), que son manipoliaes por estudiantes d’arte tokiotas. La idea surdió en 2006, cuando’l distritu local pidió ayuda a la Universidá d’arte Musashino para aprovechar la gran cantidá d’estes fueyes.

/

Dos años dempués, celebróse la primer edición del Wara Art Festival y, de magar, cada añu la universidá unvia a los sos alumnos a crear obres d’arte a base de trigu. Y, como colofón, anguaño en Takachiho diose forma a un villanu bien queríu polos neños niponos: baikinman. El so lema ye un eslógan que se despide al COVID-19, el deséu de tola sociedá xaponesa y del restu del mundu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *