Islandia produz enerxía abonda para la so población, que provien directamente dende’l fondu corazón de la Tierra, nun bucle ensin final.
El planeta Tierra funciona de maneres tan sorprendentes que nel so plenu corazón xenérase una cantidá enorme d’enerxía. Anque nun podemos vela directamente, s´arremolina debaxo de los nuesos pies. Islandia aprendió a aprovechar los ciclos naturales del planeta para producir enerxía que provien directamente dende’l corazón de la Tierra. Pero, ¿cómo funciona esactamente esti tipu d’enerxía?
La enerxía del corazón terrestre
Como sabemos, el nuesu planeta nun ye una masa uniforme de material arenoso como’l que tenemos na superficie. Sinón que, n’una composición casi poética, apigúrense capes de distintos materiales y temperatures hasta completar el gran orbe que conocemos como Tierra. Equí les condiciones son tan nidies y arrogantes que dexaron el surdimientu de la vida, tenemos l’abonda riqueza para subsistir. Y tamién nos brinda la enerxía necesaria para sostener los sistemes modernos, namá que non siempres lo aprovechamos.
Calcúlase qu’en total, el centru de la Tierra produz añalmente trés vegaes la cantidá d’enerxía que la humanidá entera consume. Directu dende’l centru de la Tierra, lléguennos les palpitaciones y amueses de la fuerza que xaz ende embaxo que caltien vivu al planeta. Pero tal cantidá d’enerxía de dalguna o otra forma tien de lliberase. Por ello lléganos en forma d’actividá volcánica, ondes sísmiques o fontes termales. Y anque el mundu basóse principalmente nun modelu carbonocentrista, esisten naciones que tán esquizando nueves maneres de llograr enerxía ensin causar tantu dañu a la Tierra a partir de tal poderíu, tal ye’l casu d’Islandia.
Islandia y la so transición d’enerxía
Magar que el clima n’Islandia suel ser xelizu y airosu, casi siempres hai una cantidá de burbuyes calientes so la superficie lliberando enerxía proveniente dende’l corazón de la Tierra. Ente’l centru de la Tierra y la corteza, esiste xuna capa mista de roca sólida y parcialmente fundida, que nós conocemos como mantu. Les temperatures n’este inhóspito llugar ronden los 3,500°C, en parte esti calor provien de la descomposición radioactiva de los metales presentes nel mantu, pero principalmente del núcleu terrestre, que tuvo irradiando enerxía desque’l planeta formóse.
Y volviendo a la idea de que l´orbe terrestre nun ye xuna masa uniforme, tenemos que’l magma ta más abargana de la superficie en ciertes partes del planeta, Islandia ye xuna d’elles, lo qu’esplica por qué ye tan activa volcánicamente. El calor del magma y la cercanía cola superficie, ye tal que llogra calecer los ríos y llagunes soterrañes qu’algamen los 300°C. Hemos de recordar que’l calor tamién ye xuna de les versiones de la enerxía, poro, controlar l’agua caliente ye la base p’aprovechar la enerxía xeotérmica, la enerxía anovable pola que ta apostando Islandia.
n’Islandia, Enerxía abonda pa sostener a la humanidá
La forma más utilizada pal llogru d’enerxía proveniente dende’l centru de la Tierra, ye la creación de plantes xeeotérmiques. Pa ello, fúrase la superficie terrestre dellos kilómetros escontra baxo, hasta algamar zones onde la temperatura ye bien alta. Asina mientres l’agua soterraño, caliente y presurizada flúi escontra riba al traviés del pozu de perforación, el sópitu cambéu de presión y temperatura, xenera grandes cantidaes de vapor. La potencia cola que’l vapor sale disparáu hasta la superficie, fai xirar les aspes de turbines especializaes. Mesmes que más tarde van tresformar esti tipu d’enerxía natural n’enerxía electromagnética.
Pero amás, pa evitar la perda d’agua nel mantu acuíferu, el vapor depués ye inyectáu de vuelta escontra la fondura del pozu, xenerando un bucle ensin final. Gracies a el so especial xeolocalización, Islandia aprendió que si podemos llegar de manera segura y responsable hasta’l calor del corazón del planeta, ye bien probable que síamos capaces de llograr la enerxía necesaria pa sostener a la humanidá. Con esto dexaríense de llau les emisiones de carbonu que causa’l modelu centráu en combustibles fósiles. Modelu col qu’anguaño se rixe la humanidá y que tanto dañu ta causando al planeta.
