Publicado en Xuegos

«Tiempu de Lleendes», el primer videoxuegu n’asturianu

  

«Esperamos sacalo antes de navidaes de 2022», calcula’l so ceador, Adrián Carbayales. Mentanto, la demo yá ta disponible pa Windows y Linux. Puedes descargala pinchando nos sos respectivos enllaces.

Xandria, una moza estudiante de maxa recién graduao, tien que percorrer el reinu d’Hiria para terminar con un señor escuru que quier apoderar el mundu. D’esta premisa parte Tiempu de Lleendes (Tiempu de lleendes), el primer videoxuegu dafechu n’asturianu.

Trátase d’un xuegu de rol medieval qu’entemez la mitoloxía asturiana col humor. «Pensé que yera un ámbitu onde la llingua asturiana inda nun taba, asina que yá que podía intentalo punxi a ello», esplica Carbayales, qu’aprovechó’l parón del confinamientu pa ponese manes a la obra. Pa materializar la idea utiliza un programa específicu que xenera plantiyes al pie de un bancu d’imaxes y soníos. «Ye como si tuviera escribiendo un llibru, pero’l programa dame les ferramientes pa convertilo en videoxuegu», asegura’l ceador, sorrayando qu’ensin esta ayuda «tardaría en faelo 10 o 15 años».

Tiempu de Lleendes ta dirixíu pa tolos públicos. Inclusive, según esplica’l so ceador, pue ser una bona ferramienta por que los más pequenos enfusar na llingua asturiana. Dientro del mesmu ta tou pensáu y fayadizu a les tradiciones del Principáu. «Na posada, por casu, en cuenta de haber cerveza hai sidra», señala Carbayales, que dende pequeñu tuvo conocencies d’asturianu, polo qu’escribir el videoxuegu ta siendo pan comío pa él.

¿Tovía nun probastis la demo? Namás tenéis de descargar la carpetina y picar dos vegaes en Demo.exe. Windows: t.ly/aUNh Linux: t.ly/bbjY

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *