Publicado en Carreres, Curiosidaes

Retu de dir al Urriellu dende Xixón en diez hores

Natalia Mastrota cumple’l so retu de dir al Urriellu dende Xixón. La fía de la televisiva Natalia Estrada completó la distancia dende la cota cero de San Llorienzo y el visu de Bulnes en diez hores.

Natalia Mastrota, fía de la televisiva Natalia Estrada, tenía previstu completar el desafíu ‘From 0 to Picu Urriellu’ n’unes catorce hores. Trátase de percorrer la distancia ente Xixón y el míticu visu nuna esixente combinación de ciclismu, carrera de monte y esguilada. Sicasí, la deportista d’orixe asturianu rebaxó notablemente les previsiones qu’ella mesma se plantegó.

Entamar dende’l nivel del mar p’algamar la cimera d’un monte, un viaxe onde los paisaxes pasen llixeros enriba d’una bicicleta o a pie, nuna carrera que fraya mesmo que presta a esgaya.

Natalia Mastrota

Aquelli que seya a facer de l’aición un mou de vida, sedrá a decatase en movimientu de la guapura d’un territoriu nel qu‘arrecendores, colores, temperatura ya relieves atópense en forma na sienda vertical que xunce la mar cola cimera´l monte.

Ñacida en Milán, 27 años, madre de dos neños, Marlo y Sasha, anguaño vive en Chamonix. A los 14 años descubrió el ski de montaña, entamando a entrenase ya competir tolos años. Presta-y atopar los sus llímites y superase a si mesma. Nos díes de descansu dedícase a esguilar, esquiar fora de pista y también a cocinar.

LA NOSTRA PROSSIMA AVENTURA

Gijón / Xixón – to – Picu Urriellu

Asturies

L’Urriellu ye un picu calcareu d’orixe paleozoicu con un altor de 2.518 metros que s’alcuentra nel macizu central de los Picos d’Europa.

El nome de Picu Urriellu vien de la denominación n’asturianu del macizu central, Los Urrieles. Alministrativamente, pertenez al conceyu de Cabrales ya ta dientru’l Parque Nacional de los Picos d’Europa.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *