Publicado en NATURA

Los Tyrannosaurus rex caminaben a 4,61 kilómetros/hora

Quiciabes fuxir d’un tiranosauriu nun fuera tan ventureru como nos lo pintaron en ‘Jurassic Park’. Bonu, tampoco fuera una situación placentera con dientes d’unos 14 centímetros pillándolo con fame, pero’l casu ye qu’agora un estudiu científicu plantega que los Tyrannosaurus rex caminaben más lentu de lo que pesábamos, probablemente inclusive a la nuesa velocidá.

Tirando de representaciones 3D y teniendo en cuenta la so anatomía, al paecer el rei de los carnívoros del Cretácicu movíase de media con una velocidá más bien baxa. Esto ye daqué que camuda un pocu quiciabes la imaxe preconcebida que munchos teníamos d’él, asumiendo que, anque ensin ser un velociraptor, el tiranosurio algamaba velocidaes considerables. Anque vamos ver qu’esto tampoco significa que cuando tuviera que correr, quiciabes corría.

Daqué nun tuvo de encaxar pal investigador Pasha van Bijlert y los sos compañeros de xeres coles recreaciones del tiranosauriu nel cine o los videoxuegos (inclusive nel de Chrome) que se punxeron a estudiar el so desplazamientu. Lo de la so estinción fai 65 millones d’años complica abondo l’asuntu, asina qu’optaron por crear modelos 3D.

El día dempués del Apocalipsis: asina fueron les primeres 24 hores tres l’asteroide qu’acabó colos dinosaurios

Van Bijlert y compañía partieron de la cadarma de Trix, qu’asina ye como se llama la cadarma de la fema de tiranosauriu qu’hai nel muséu del Naturalis Biodiversity Center (n’Holanda). A esta estructura ósea añedió texíos (un aparatu llocomotor completu), para realizar el cálculu de la velocidá del so desplazamientu.

Según tou esto, concluyeron qu’el T. rex movíase a unos 4,61 kilómetros por hora lo que vien ser una media inclusive daqué más baxa que la que se da al pasu (andando) del caballu (unos 6 km/h) y el ser humanu (unos 5 km/h). Eso siquier aludiendo al pasu normal, non tantu al trote.

La cola sería un elementu clave para la locomoción, non yá a nivel anatómicu, sinón tamién metabólicu. Según esti equipu d’investigadores, la cola banciaríase, non tantu de llau a llau sinón de riba a embaxo, de cuenta qu’ayudaría a aforrar enerxía al organismu.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *