2023: Añu Picasso 1973-2023

Publicado el 08/04/202311/04/2023 por Isa Lobo ツ

https://www.facebook.com/celebrapicasso
Actos Ministerio de Cultura /VIDEU/ https://celebracionpicasso.es/
Pablo Picasso: wiki / bio / Muséu BCN / Muséu Málaga / Facebook / semeyes /obres / les 10 más importantes

Fai 50 años, los periódicos de too el mundu llevaben en portada’l fallecimientu de Pablo Ruiz Picasso, artista universal y unu de los xenios del sieglu XX. Asina dieron la noticia grandes cabeceres informatives como ABC , La Vanguardia , The New York Times o The Times and The Sunday Times ente otros.

El 8 d’abril de 2023 cumplise el cincuenta aniversariu del fallecimientu del artista español Pablo Picasso, eventu que va marcar la celebración de la so obra y el so heriedu artísticu en Francia, España e internacionalmente.

«La pintura nun se fixo para decorar apartamentos. Ye una arma ofensivo y defensivo».

Con esti motivu, los gobiernos de Francia y d’España alcordaron trabayar conxuntamente nun programa d’algame internacional al traviés d’una comisión binacional qu’axunta a les alministraciones culturales y diplomátiques de los dos países.

Col respaldu d’instituciones culturales de sonadía n’Europa y Estaos Xuníos, la Celebración Picasso 1973-2023 xira en redol a unes cincuenta esposiciones y eventos que, nel so conxuntu, enceten un analís historiográficu de la obra de Picasso.

Videu: retratu Cubista

Nacíu en Málaga, el 25 d’ochobre de 1881, y fináu na población francesa de Mougins, el 8 d’abril de 1973, Pablo Picasso ye unu de los más célebres pintores de la hestoria del arte occidental. El so llinguaxe espresivu, llibre y multiforme sigui influyendo nel arte y la reflexón contemporaneos.