Publicado en Ciencia, Esperimentos

El vidriu líquidu ye’l nuevu estáu de la materia

El vidriu líquidu ye’l nuevu estáu de la materia afayáu por científicos Científicos d’Alemaña afayaron un nuevu estáu de la materia que decidieron denominar como vidriu líquidu por cuenta del so comportamientu inusual.

Fonte: 08 xineru, 2021 | Redacción ADN40 | De punta

Científicos de la Universidá de Konstanz, n’Alemaña, atoparon un nuevu estáu de la materia al que nomaron ‘vidriu líquidu’, que revela nueves conocencies sobro la naturaleza del vidriu y les sos transiciones.

Anque nun lo creas, el verdaderu orixe del vidriu sigue siendo un misteriu pa la comunidá científica, polo que les investigaciones pa dar coles sos propiedaes físicu y químicu, entá tán en cursu. Por sí mesmu, el términu ‘vidriu’ ye un conceutu mutable, pos inclúi lo que conocemos como vidriu de ventana y otros materiales con propiedaes que son similares al comportamientu del vidriu, como metales, plásticos, proteínes ya inclusive célules biolóxiques.

Anque da la impresión, el vidriu ye tou menos un material sólido por cuenta de que les sos molécules nun se porten de manera convencional y en cuenta de alliniase pa crear un patrón de cristal, conxélense efectivamente nel so llugar primero qu’asoceda la cristalización.

Esti procesu ye xustamente’l que los científicos inda tán tratando d’entender, polo que los investigadores buscaron descifrar la complexidá del vidriu ensin pensar qu’atoparíen más complexidá al enigma del vidriu, según un nuevu estáu de la materia.

Nesti nuevu estáu de la materia, el vidriu líquidu, les partícules individuales pueden movese pero nun pueden rotar, lo cual sosprendió a los investigadores que nunca vieren tal comportamientu en nengún tipu de vidriu a granel.

Usando química de polímeros, l’equipu creó pequenes partícules de plásticu, espurriéndoles y esfreciéndoles hasta que llegaron a formes elipsoides y depués asitiaron nun solvente fayadizu. “Por cuenta de les sos distintes formes, les nueses partícules tienen orientación, a diferencia de les partícules esfériques, lo que da llugar a tipos de comportamientos complexos dafechu nuevos y non estudiaos enantes”, esplica nun comunicáu Zumbusch, profesor de química física y autor principal del estudiu.

Darréu los científicos camudaron la concentración de partícules nos polímeros y rastrexaron el movimientu de traslación y rotación, atopando que “en ciertes densidaes de partícules, el movimientu d’orientación conxelóse ente que’l movimientu de traslación persistió, lo que resultó n’estaos vidriosos onde les partícules arrexuntan pa formar estructures locales con orientación similar”.

Foi entós que los científicos decidieron nomara como vidriu líquidu al comportamientu d’estos grupos que s’apexen mutuamente y medien correlaciones espaciales característiques de llargu algame, lo que deriva na formación d’un cristal líquidu que sería l’estáu de materia ordenáu que s’espera de la termodinámica.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *