El supercontinente Pangea incluyendo la placa antártica (en color anaranxáu) primero que esta estazárase por cuenta de derives continentales o tectóniques.
Dientro de muncho, enforma tiempu, los territorios de la Tierra volverán formar una especie de supercontinente paecíu a esto.
Pangea (del griegu: πᾶν ‘tou’ y Γαῖα ‘tierra’)1 foi’l gran supercontinente qu’esistió a la fin de la era Paleozoica y empiezos de la era Mesozoica qu’arrexuntaba la mayor parte de les tierres remanecíes del planeta. Formose pol movimientu de les plaques tectóniques, que fai unos 335 millones d’años xunió tolos continentes anteriores n’unu solu. Darréu, fai unos 175 millones d’años, empezó a quebrase y a esvalixase hasta algamar la situación actual de los continentes, nun procesu qu’entá sigue. Esti nome foi aparentemente usáu per primer vegada pol alemán Alfred Wegener, principal autor de la teoría de derivación continental, en 1912.
Créese que la forma orixinal de Pangea yera una masa de tierra con forma de «O» o de «C» distribuyida al traviés del ecuador. Una y bones el tamañu masivu de Pangea yera bien ampliu, les rexones internes de tierra tuvieron de ser bien seques pola falta de precipitación. Nel gran supercontinente los animales terrestres podríen emigrar llibremente d’un estremu a otru.
