El vídeu ta grabáu con «Microsoft Flight Simulator», un simulador que representa’l planeta enteru a escala.
- Noticia: La Voz de Asturias
- Joaquín Gelmini VIDEOS
- Microsoft Flight Simulator/ web
- Uviéu a Santander
Conocer cada palmu d’Uviéu dende los altores. Esta ye la posibilidá qu’ufierta’l vídeu grabáu por un usuariu de «Microsoft Flight Simulator», un simulador que representa’l planeta enteru a escala 1:1 (un metro na vida real ye un metro nel simulador) y a tiempu real. En daqué más de 12 minutos, la grabación ufierta’l detalle de les distintes zones de la ciudá, yá que realiza un percorríu que va dende la zona industrial al centru históricu, pasando pol Naranco o los principales barrios.
Joaquín Gelmini ye l’usuariu que grabó’l vídeu. Según esplica, el simulador «utiliza imaxes satelitales y una intelixencia artificial para poder recrear el mundu enteru casi hermano a la realidá». El so oxetivu, según asegura, ye «volar pol planeta enteru por que toos podamos ver cómo tán representaos los nuesos países, ciudaes, pueblos y cases».
Este ye’l primer vídeu d’Asturies de Gelmini, que yá xubió 1.300 grabaciones a Youtube. 200 d’ellos son d’España, pero tamién tien de localidaes de países como Arxentina, Uruguai, Paraguay o Chile. La so aventura empezó’l 18 de setiembre del 2020 nel Aeropuertu de Morón, Bonos Aires, y dende entós nun paró de volar.
