Conceyu Bable protagoniza’l cartelu del XLV Día de les Lletres Asturianes/XV Día das Lletras Asturianas que ta acabante presentar l’Academia de la Llingua Asturiana. Puedes velu nesta información 
- Fonte: ALLA / ALLA Facebook / cartelu / Diseñu: Sergio Llunik
- 3 de mayu 2024 /
19:00 hores / 
Teatru Campoamor
Imaxe, gráfica, colax, diseñu, cartelería, mupi, tarxetón y adaptaciones de redes para’l ’45 Día de les Lletres Asturianes‘ de @academiadelallinguaasturiana nel 50 aniversariu del Conceyu Bable.
Cualesquier que me conoza un mizcu sabe lo que defendo y lo arguyoso que me siento de la mio tierra y la mio cultura, y por tantu va faese una idea de lo que pudo emprestame recibir la propuesta de diseñar la imaxe d’anguaño del Día de les Lletres Asturianes. Nesti diseñu quixi faer un homenaxe a quien llucharon y lluchen dende va munchos años pola Llingua, pero tamién quixi reflexar esi espíritu de reflorecimiento que representa la Llingua asturiana tantu polo que significa para quien la respeta como polo que creo que se ta viviendo anguaño con ella al traviés d’elementos florales y elementos representativos de la cultura asturiana.
Gracies pá por inculcarme el respetu y l’amor *pola mio cultura dende bien pequeno y perdón por non falar na mio llingua tan bien como te gustaría.
