Alborecemos col cielu empuercáu de nubes medies y altes amás de pol fumu de los incendios con unes temperatures altes, alrodiu de los 17ºC, amás hai raches moderaes de vientu, nel puirtu Payares rexistren 7,7ºC.
Güei vamos tener nubes medies y altes nel cielu que malpenes van dexar cayer dalguna gotera, de dase sedrá más probable nel surocidente asturianu, amás l’aire gallegu va soplar con fuercia durante tol día, sobre too nel llitoral y les temperatures tenderán a descender llixeramente.
Mañana sábadu la probabilidá de lluvia aumentará asina y too les precipitaciones sedrán febles y disperses con unes temperatures en nidiu descensu ya inclusu con dalguna nevada testimonial pela cordelera perriba de los 1800m, por suerte l’aire tenderá amenorgar.
El domingu tendremos nubes ya claros cola posibilidá de dalguna gotera a primeres hores con unes temperatures que siguen en descensu, sobre too en zones de montaña onde xelará.
Y la selmana santa presentase baxo la influencia del vientu la cuaresma-nordés que mos dexará dalguna nube de retención pela fastera central, cielu escampláu na cordelera y temperatures fríes pela nueche con baxa sensación térmica pel día por mor del vientu fríu del nordés.
Asturies arde, desgraciadamente cumplieronse les peores previsiones, pa intentar que nun vuelva a suceder la solución pasa por mantener vivo’l rural asturianu con actividaes productibles que seyan rentables y sostenibles.
