Publicado en NATURA

Afayen los restos d’hipopótamos, rinocerontes y tigres dientes de sable nun bebederu prehistóricu n’España

La fame, la falta d’agua y los cambeos repentinos nel mediuambiente terminaron cola vida de los animales que visitaben un bebederu prehistóricu.

Nes cercaníes d’un cuerpu d’agua duce, delles especies d’animales prehistóricos escoyeron un pacional para folgar: hipopótamos, rinocerontes, caballos y tigres dientes de sable atoparon nesti espaciu un bon llugar para tomase un respiru.

9 millones d’años dempués, esi bebederu prehistóricu ye parte de l’actual España. Lo único que queda d’ese antiguu llugar son los fósiles de los animales que lu esfrutaron. Los sos restos suxuren que fueron víctimes d’una deshidratación y fame brutales.

Semeya: bebederu prehistóricu, Palaeogeography, Palaeoclimatology, Palaeoecology

Fame, sei y estancamientu

Nun lo esperaben. La gravedá de la seca y la falta d’alimentu fueron tales, que decenes d’animales carecieron deshidratación y fame. Los paleontólogos a cargu del estudiu piensen qu’estes temporaes d’escasez presentose en trés causes mientres el Miocenu tardíu, según escriben para Palaeogeography, Palaeoclimatology, Palaeoecology.

La escavación llevose a cabu nes cercaníes de Madrid, específicamente nel complexu del Cuetu de los Batallones. Los restos de los animales, aseguren los científicos, fueron soterraos por capes de sedimentu cuando les agües restableciéronse. Por esta razón, tuvieron dafechu protexíos contra los carroñeros y les condiciones medioambientales que pudieron degradalos.

El líder del estudiu, David Martín-Perea, paleontólogu del Muséu Nacional de Ciencies Naturales de Madrid, destacó la condición de caltenimientu de los restos paleontolóxicos: «Anque tienen más de 9 millones d’años, tán escepcionalmente calteníos«, dixo. En collaboración colos sos colegues, tamién atoparon restos fráxiles de xaronques, aves, royedores y caballos fetales. Nin siquier la fame, la sede y l’estancamientu estropiaron les sos estructures internes.

Un espaciu de xunta prehistóricu

Martín-Perea y el so equipu tán seguros de qu’esti bebederu prehistóricu foi un llugar d’alcuentru para delles especies. Cuando les condiciones fueron óptimes, tomaron la tierra alredor del cuerpu d’agua como un espaciu para folgar, dormir y recuperase mientres el Miocenu. N’ese entós, según la hestoria natural de Madrid, el sur de l’actual ciudá taba apinada de montes y praderíes perennes.

Esta información llogrose de la piedra caliar na que los restos paleontolóxicos fueron atopaos. Los científicos piensen que diversos bebederos prehistóricos contienen nesos cuévanos, en redol a la capital española. Los afayos complementense cola escavación d’otros 9 sitios similares a 30 kilómetros, onde s’atoparon güesos fosilizaos en trés capes distintos.

La presencia de tortúes y xaronques nestos sitios suxure que, d’antiguo, ésti yera un ecosistema húmedu. Sicasí, esiste evidencia abonda para creer que la causa de muerte de toos estos animales foi la seca. Avezaos a atopar agua nesti llugar, nun pudieron sobrevivir ensin los recursos abondos na redolada. Según Martín-Perea, ésti ye «exemplu de llibru de testu» d’un conxuntu de fósiles causáu pola falta d’agua, la fame y los cambeos repentinos nel mediuambiente.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *