Grandiosu, asina foi’l día d’ayeri. Toa gracies al monumental desfile del Antroxu que nada tien qu’envidiar a cualesquier otru de cualquier puntu del mundu (mundial). A bon pasu y con avisu de penalización si nun yera siguíu’l ritmu, tou salió “plachao” y los participantes (645 persones en charangues y 1.824 en xarrés) fueron amosando’l so gran talentu dende la Plaza de Toros, Avenida de la Costa hasta rematar en La Güelga, frente a la Casa Rosada.