Publicado en Día de...

Día del Neñu Hospitalizáu

Son munchos los neños que s’atopen ingresaos nos hospitales d’España. Nesti día, recuérdase-yos nun xestu y una campaña, que se repite añu a añu.

Un total de 200 hospitales españoles celebren güei’l Día del Neñu Hospitalizáu. N’Asturies, cuatro asociaciones entamaron un desfile nel esterior del Hospital Central d’Asturies p’animar a los pequeños ingresaos. VIDEU

Los más pequeños tán detrás de les ventanes recibiendo los besos que-yos dan l’Asociación Galbán, Clowntigo, Narices Azules y Cruz Roja Mocedá, organizaciones que lleven un añu ensin poder sofitar a los pequeños y, como ellos, échenlos de menos.

Adaptáronse con talleres y actividaes online, pero aseguren que nada pue sustituyir al cara a cara. Afortunadamente, esti añu de pandemia los ingresos de menores amenorgaron abondo. Les organizaciones piden qu’esta xornada s’institucionalice y que se celebre como Día Internacional del Neñu Hospitalizáu.


 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *