Publicado en Semana de...

42 Selmana de les Lletres Asturianes

La 42 Selmana de les Lletres Asturianes celébrase ente’l 3 y el 7 de mayu próximos. Baxo’l lema «Nel Amaro, la voz comprometida», y cola coordinación de Xandru Fernández, la Selmana rinde homenaxe al escritor y artista mierense coincidiendo colos diez años de la so muerte y los 75 de la so nacencia.

Política Llingüística Principáu d’Asturies ellaboró una programación alredor a l’actividá creadora tan estensa de Nel Amaro. Cola mira de reivindicar la figura humana y artística del escritor, edítense dos llibros, realízase un documental y inaugúrense dos esposiciones, una centrada na so vida y obra y otra na so producción artística.

Nel Amaro (Quentuserrón, Mieres, 1946 – Uviéu, 2011). Amaro destacó pol so carisma y fuercia creativa como autor en diferentes xéneros y como entamador de propuestes culturales variaes: fancinos, revistes o antoloxíes. Nes sos creaciones lliteraries reflexona sobre la poesía del so momentu y ye’l primeru n’escribir teatru nuevu.

Nos últimos años de la so trayectoria, lleváu pola so faceta d’artista multidisciplinar trató xéneros como’l mail-art, la poesía visual, performances o’l videu arte. Amás, creó colectivos unipersonales como Espaciu Arte Escéntricu, Fundiziom Malevich, ONG performers sin fronteras o la Fundación Perrunosituacionista Lazslo Kovacs.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *