Publicado en Alimentos, Concursu

Concursu oficial «Meyor cachopo d´España» del 3 al 30 de mayu

RESULTÁU: El restorán El Pozu de Güelita, n’A Caridá llogró’l máximu galardón rexonal y amás llogró tamién el segundu puestu del meyor cachopu d’España, concursu entamáu por La Guia del Cachopu, que’l so ganador absolutu foi l’hotel restorán Rías Altes en Barredos (Llugo).

Na imaxe, l’equipu al completu posen colos premios y el cachopu campeón en recibiendo’l premiu de manos de la concejala de Festexos del Conceyu d’Uviéu, Cuadonga Díaz.

Nun podía tar más contentu ayeri tol equipu del restorán El Pozu de Güelita en recoyendo nel hotel Balneariu de Les Caldes (Uviéu), el premiu al Meyor Cachopu d’Asturies y el segundu meyor d’España 2021, concedíos nel concursu que, cada añu, convoca La Guía del Cachopu. Anguaño con una gran participación nes distintes categoríes: Asturies, Madrid y Llión, restu d’España y estranxeru, según nes sos distintes modalidaes.

Ye un local qu’abrió les sos puertes va un añu n’A Caridá empobináu por Pelayo Rodríguez teniendo al mandu de los fogones a una esperta cocinera como ye Ana Gudín. Ellos, xuntu col restu del equipu, celebraron por toa lo alto’l premiu que, amás, tamién da protagonismu gastronómicu al occidente y, nesti casu, al conceyu d’El Franco, al cuntar dende güei con un establecimientos hosteleru onde se preparara el meyor cachopu d’Asturies y subcampeón d’España 2021 nel concursu de la Guía del Cachopu.

Tenral asturiana de ganadería propia, criada en Los Oscos; xamón de gochu alimentáu con castañes, quesu Vidiago, quesu cremoso Lorán y un rebozado entemez de panko y pan arralláu tradicional, son los ingredientes del cachopu ganador.


El campeón d’España foi l’hotel Restorán Rías Altes en Barreiros (Llugo) que los sos propietarios tamién recibieron con enorme allegría la noticia. El matrimoniu acompañáu de la so fía, que dedicó’l premiu a la entrega y la laboriosidad de los sos padres, recoyó’l galardón a esti cachopu que, asonsañando na so forma a una empanada gallega y asitiáu sobro fueya de berza, taba fechu con xata gallega suprema y rellenu con gochu celta y trés quesos: mimosa de Cortes de Muar, Galmesano y quesu Lorán afumáu.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *