Esti vídeu ASMR de la Tierra dende l’espaciu creáu pola NASA, te va ayudar a relaxate. Earth in 4K – Space Station Expedition 67-68 Edition
- Videu / Fonte: Computer Hoy
Contemplar el planeta más formosu del universu conocíu, dende fora, te fai ver les coses d’otra manera…
La NASA publicó un vídeu ASMR d’una hora de duración, qu’amuesa la Tierra vista dende l’espaciu a resolvimientu 4K, con música relaxante y unes imaxes espectaculares.
El presupuestu de la NASA ye peraltu, más de 25.000 millones de dólares al añu, porque viaxar pel espaciu nun ye baratu. Por eso siempres ta bien activa en redes sociales, porque de dalguna forma tien que xustificar la inversión a los contribuyentes, amosando semeyes y vídeos de les sos misiones y proyectos.
La vista más relaxante de la Tierra
Munchos astronautes y turistes espaciales que salieron al espaciu y vieron la Tierra dende fora, quedáronse estasiaos cola so guapura, frente al negror del universu.
Dende l’espaciu nun se ven les fronteres, y eso fai que los problemes políticos y personales de los humanos, paezan insignificantes, comparáu cola inmensa guapura del únicu planeta con vida que conocemos. Ye un estáu d’ánimu qu’inclusive tien un nome: l’Efectu Perspectiva.
La NASA sabe, meyor que naide, que los problemes relativicense cuando contemples la Tierra dende l’espaciu, asina que creó esti impresionante vídeu ASMR d’una hora de duración, a ritmu de música relaxante. Ideal pa perdete na so guapura, y escaecete de les esmoliciones:
Earth in 4K – Space Station Expedition 67-68 Edition
Tou vese d’otra forma cuando contemples una espectacular aurora boreal a 400 Kilómetros d’altor.
Estes increíbles escenes, grabaes a resolvimientu 4K, fueron prindaes ente marzu de 2022 y marzu de 2023 mientres les Espediciones 67 y 68 de la Estación Espacial Internacional. En dellos momentos pueden vese los sos paneles solares.
