- Cartelu / Fonte: Asturies.com/Fonte: Política llingüística
- Web Ministeriu / carteles
El 23 d’abril conmemora’l Día Mundial del Llibru y del Derechu d’Autor. La razón: el 23 d’abril de 1616 finaben Cervantes, Shakespeare ya Garcilaso de la Vega. Por esti motivu, esta fecha tan simbólica para la lliteratura universal foi la escoyida pola Conferencia Xeneral de la UNESCO, en 1995, para rindir un homenaxe mundial al llibru y los sos autores.
El cartelu del Día del Llibru d’anguaño foi diseñáu pol ilustrador Sergio García Sánchez, Premiu Nacional d’Ilustración 2022, a partir d’una cita del postreru galardonáu col Premiu de Lliteratura en Llingua Castellana “Miguel de Cervantes”, Rafael Cadenas.
Ye’l tercer añu nel que l’idioma apaez n’igualdá de condiciones col restu de llingües del Estáu.
El Ministeriu de Cultura y Deporte inauguró’l llunes la ‘Semana Cervantina’, dedicada a la celebración del Día del Llibru y del Derechu d’Autor, cola presentación del cartelu conmemorativu d’esti añu. El so autor ye Sergio García Sánchez, Premio Nacional de Ilustración 2022, con color de Lola Moral, a partir d’una cita del último galardonado con el Premio de Literatura en Lengua Castellana Miguel de Cervantes, Rafael Cadenas: «La literatura es un muro contra las barbaries».
Asina, pue vese a una muyer lleendo un llibru en compañía d’un críu frente a una ventana colos cristales frayaos y imáxenes qu’amuesen detalles d’una guerra al fondu. El cartelu tien versión en castellanu y en toles llingües oficiales (aranés, catalán, eusquera, gallegu y valencianu), amás de n’aragonés y n’asturianu, que se presenta como ‘bable’ y ‘leonés’ al ser éstos los nomes que s’empleguen nos estatutos d’autonomía d’Asturies y de Castilla y Lleón pa referise al idioma asturlleonés.
| Adxuntu | Tamañu |
|---|---|
 Cartelu Día del Llibru 2023 ‘bable’ |
1.59 MB |
| Cartelu Día del Llibru 2023 ‘leonés’ |
1.59 MB |
