- Teatru La Llaboral, Xixón /
- XV Premiu Camaretá al Meyor Cantar
El Teatru de la Llaboral va acoyer el domingu 12 de payares la decimoquinta edición del Premiu Camaretá al Meyor Cantar. El xuráu, formáu por especialistes en música y llingua asturiana, decida’l cantar ganador. Na gala tamién va dar un conciertu’l grupu Algaire, ganadores de la edición anterior d’esti premiu col tema Coral y maera.
El Premiu Camaretá al Meyor Cantar, dotáu con 6.000 euros, convócalu’l Gobiernu del Principáu d’Asturies cola mira de afianzar, prestixar y arriquecer la creación musical tanto n’asturianu como en gallego-asturianu. Los cuatro finalistes d’esta edición son:
- Marisa Valle Roso, con Tonada (lletra: Marisa Valle Roso sobre un tema tradicional).
» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture; web-share» allowfullscreen /iframe]
- Alienda, con Zanca de cabra (lletra: Roberto González Quevedo sobre un tema tradicional).
- José Manuel Tejedor, con Les tos nales (lletra: Gema Fernández).
- Vero Rubio, con Dixo miou padre (lletra: Vero Rubio).
El ‘Premiu al Meyor Cantar’ nació nel añu 2007 como reconocimientu del Gobiernu del Principáu d’Asturies a la creación musical en llingua asturiana o gallego-asturianu. El prestixu y sonadía d’esti gallardón medra con cada edición, de manera que ye yá un referente ente los creadores musicales asturianos.
Nestos años pasaron per él dellos de los meyores grupos ya intérpretes de la escena del país, con munches y diferentes propuestes que muestren la vitalidá y dinamismu de la música fecha en llingua asturiana y gallego-asturianu.
Quién lo pue presentar:
Persones físiques que seyan músicos solistes o formen parte d’un grupu musical, que s’atopen na situación que fundamente la concesión del premiu, concurriendo nellos les circunstancies previstes nes bases reguladores y que cumplan los requisitos establecíos na Llei 38/2003, de 17 de payares, Xeneral de Subvenciones, y na convocatoria.
Nel casu de grupos musicales, ha nomase un representante o apoderáu únicu del grupu y facese constar espresamente na solicitú’l porcentaxe del importe del premiu a aplicar pa caún de los miembros del grupu, que van tener tamién la condición de beneficiarios.
PREMIU:
- Dotación económica: 6.000 euros suxetu a retención.
- Gallardón: un troféu.
- Promoción y difusión del cantar ganador nos medios de comunicación y nos eventos entamaos o promovíos pol Gobiernu del Principáu d’Asturies.
- Producción d’un videoclip de la canción ganadora pa la so posterior difusión dando por retribuyíos col premiu los derechos d’autor del videuclip.
