Publicado en Curiosidaes, NATURA

Peabody, el caballu miniatura que foi refugáu pola so má y volvióse amigu d’unos perros

Esti caballu, consideráu’l más pequenu del mundu, foi adoptáu por una familia y agora convive con dos perros n’una vivienda.

Una caballu miniatura, que ye consideráu pola so dueña como’l más pequenu del mundu, convirtióse en toa una sensación depués de ser adoptáu por una muyer y volvese el meyor amigu d’unos perros.

El pequeñu exemplar foi nomáu como Peabody y foi refugáu pola so madre yá que nun algamar el so caldar para tomar la so lleche y alimentase, polo que la so vida taba corriendo gran peligru.

Ello ye que dellos veterinarios encamentaron sacrificalo polo que Faith Smith decidió adoptalo para da-y una oportunidá y llevolu a la so vivienda para brinda-y tou los cuidos necesarios para les sos poques selmanes de vida.

La muyer entrenadora de caballos miniatura en San Diego (California) consideró que Peabody pue ser el “caballu más pequenu del mundu a la so edá” y por eso decidió curialo dientro la so vivienda como si fuera una mascota.

“Los caballos nunca son animales d’interior, pero Peabody ye tan pequenu que nunca podría vivir al campu nun siendo que creza, y nun tamos seguros de si lo faerá. Na actualidá, vive dientro de la casa colos perros”, indicó Smith.

Nun principiu pensábase qu’esti caballu miniatura yera ciegu, sordu y nun podría caminar. Amás, tenía’l so quexal esviáu y por eso había muncha incertidume si podría alimentase por si mesmu.

N’ese sentíu, esta muyer entamó un llargu viaxe para llevar a esti caballu hasta la so casa y col pasu de les selmanes el pequeñu exemplar creció un pocu y volvióse un gran amigu de los perros bulldogs franceses de la so dueña.

N’unes imaxes compartíes nes redes puede vese como Peabody convívese como una mascota más de la casa yá que cuerre y xuega nel patiu col so “hermanos” y espera la comida na cocina.

Lo cierto ye que Smith tenía la esperanza de que’l pequeñu exemplar creciera para poder llevalo a convivir con otros caballos pero se dio cuenta que nun va crecer enforma y por eso seguro va convertise nun caballu de casa”.

Finalmente, la muyer espera poder enseña-y a esti Peabody a dir al bañu como los perros yá que siquier aprendió a dormir con ellos y nun futuru poder aplicar al récord del “Caballu más pequenu del mundu”.

Ello ye que esti títulu tienlo na actualidá Bombel, un caballu appaloosa miniatura orixinariu de Polonia que solo mide 56.7 centímetros d’altor.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *