La iniciativa del Día Mundial de la Llectura en Voz Alta celébrase cada 1 de febreru en más de 100 países y ye una iniciativa fundamental para promover los vezos de llectura na primer infancia.
Lleer ye un verdaderu placer para alimentar l’intelectu y l’alma, entá ye más si lleemos en voz alta. El primer miércoles de febreru celebra’l Día Mundial de la Llectura en Voz Alta, cola cuenta de destacar la importancia de la llectura en voz alta, visibilizar l’alfabetización como un derechu humanu y fomentar la creación de comunidaes y grupos de llectura.
Orixe del Día Mundial de Lleer en Voz Alta
La creación d’esti día mundial surxió por iniciativa de la organización internacional Lit World nel añu 2010, col enfotu de fomentar el vezu de la llectura, ayudando a la creación de venceyos ente llectores, escritores y narradores, según l’alquisición de conocencies.
Coles mesmes, cola celebración d’esta efeméride amuésase’l sofitu a l’alfabetización, como un derechu humanu fundamental. ¿Cuálos son los beneficios de lleer en voz alta? Lleer en voz alta ufierta múltiples beneficios. De siguío mentamos dalgunos d’ellos:
- Ameyora la dicción.
- Fortalez la memoria.
- Favorez la comprensión llectora.
- Aguiya la imaxinación.
- Beneficia’l desenvolvimientu neurolóxico y emocional nos neños.
- Mengua la deserción y la repitencia escolar.
- Arriquez el vocabulariu.
- Ameyora les habilidaes comunicatives.
- Mengua los niveles d’estrés y ansiedá
