Publicado en Cómic, Llibros Reciella

Cómic ‘El mure de biblioteca’, la manga que tresmite a los neños la pasión polos llibros

Testu de JESÚS JIMÉNEZ (@vinetabocadillo) JESÚS JIMÉNEZ (@vinetabocadillo)
Ver artículu orixinal

¿Imaxináis un mundu ensin llibros nin cómics? ¿Ensin nada que lleer? Ese ye l’universu nel que se desenvuelve El mure de biblioteca, unu de les mangues de mayor ésitu anguaño en Xapón, onde consiguió’l premiu a la meyor hestoria de manga dos años consecutivos y vendió más de dos millones d’exemplares. Tamién s’afixo a una esitosa serie d’anime (animación). Agora llega a España de la mano de la editorial Kitsune Books, qu’inaugura con esti títulu la so colección de manga, qu’inclúi tamién otru interesante títulu xuvenil: Orphen el bruxu, una hestoria fantástica de Yoshinobu Akita y Yagami Yu.

El mure de biblioteca ta protagonizáu por una moza universitaria, Urano Motosu, qu’adora la llectura y que un día muerre entartallada por un montón de llibros. Pero va espertar nun nuevu universu fantásticu nel que casi nun hai nengún llibru. Y los pocos qu’atopa son artículos de luxu que solo pueden dexase los más ricos. !Y enriba ta atrapada nel cuerpu d’una enfermiza neña de cinco años!

Un manga destináu a los mozos que nos tresmite la pasión pola llectura y l’amor polos llibros d’una forma natural y risondera y que ye más eficaz que cualquier campaña por que los chavales decidan lleer voluntariamente, por prestar y diversión. Anque a los adultos tamién vos conquistará polos sos maraviyosos personaxes y el so sentíu del humor. Y amás vais aprender un montón de coses sobro los llibros y sobro la vida.

Como dicíamos la protagonista va #espertar nun mundu totalmente distintu, con una nueva familia, atrapada nel cuerpu d’una neña de cinco años y nun mundu medieval onde la xente, que nun sabe lleer, pásase la vida trabayando.

Los llibros son exemplares únicos, escritos a mano y percaros. Inclusive’l papel y la tinta son oxetos de luxu. Pero la nuesa pequeña protagonista ta decidida a lleer y a convertise en bibliotecaria, ¡anque pa ello tenga que fabricase los sos propios llibros!.

Pa ello va tener que recordar les conocencies aprendíes gracies a xuna vida de llectures y tamién echa-y muncha imaxinación. Gracies a eso vamos afayar coses tan interesante como cómo se fabrica’l papel.

La manga básase nes noveles de Miya Kazuki, que se serializaron ente 2013 y 2017 y que tamién fueron un ésitu. Destacar los dibuxos de Suzuka, llenos d’espresividá y vida, que tresmiten el sentíu del humor de la hestoria d’una forma bien simpática y ensin cayer na caricatura. Daqué pa lo que tamién foi fundamental el diseñu de personaxes de You Shiina, que son pa come-y los (solo tenéis que ver los ojazos de la protagonista).

Autor:

Maestra de Llingua Asturiana Colexu Carmen Ruiz-Tilve - Uviéu

Un comentario sobre “Cómic ‘El mure de biblioteca’, la manga que tresmite a los neños la pasión polos llibros

Los comentarios están cerrados.