Publicado en Sin categoría

Espectáculu doble: l’eclís llunar y la superluna de mayu

Espectáculu doble: cómo ver l’eclís llunar y la superluna de mayu La Lluna llena más grande y brillante del añu coincide con un eclís llunar total nel que la Lluna va apaecer colorada mientres aprosimao quince minutos.

L’eclís llunar total que podrá vese na madrugada d’esti miércoles 26 de mayu dende delles rexones de Norteamérica, América Llatina y el sudeste asiáticu coincide cola superluna más grande y brillante del añu.

La superluna podrá vese en tol planeta, pero l’eclís llunar total va ser visible solo nel oeste continental d’Estaos Xuníos y Canadá, en México, la mayor parte de Centroamérica, delles rexones de Colombia y Ecuador, l’oeste de Perú y el sur de Chile y Arxentina.

Francisco Andolz, director de misión del Orbitador de Reconocencia Llunar del Centru de Vuelu Espacial Goddard de la NASA, esplica que la última vegada qu’asocedió un fenómenu doble igual al que se va reparar esta madrugada foi fai más de 400 años. “La Lluna viaxa alredor del planeta n’una órbita elíptica. Dos vegaes al añu’l nuesu satélite pasa pol perigeo, el puntu más cercanu a la Tierra, a esi momentu llámase-y superluna. Qu’esto coincida con un eclís total nun pasa tan de cutiu”.

El científicu de la NASA afirma que cuando hai superluna l’efectu visual fai que dende la Tierra veamos la lluna 14% más grande que lo que xeneralmente la vemos. “Si comparamos con cómo se ve la Lluna cuando ta nel apoxéu, el puntu más alloñáu a la tierra, la diferencia visual ye de casi 30%”, afirma.

Amás de vese enorme y brillante, la Lluna d’esta madrugada va tornase acoloratada. La lluz que se va ver na superficie de la Lluna ye la producida pol Sol dempués de travesar l´atmosfera de la Tierra. Por eso esta madrugada vamos ver tolos amaneceres y atapeceres del mundu reflexaos na superficie de la Lluna n’un mesmu intre. Cuanto más polvu o nubes haya na atmósfera de la Tierra mientres l’eclís, más colorada va apaecer la Lluna.

El doble fenómenu d’esta madrugada ye xuna bona oportunidá para conocer en qué va Artemis, la próxima misión tripulada de la NASA que va llegar a la lluna en 2024 y va ser la primera tripulada por una muyer.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *