Alborecemos con nubosidá estratificada na fastera central asturiana, tando escampláu nel restu con unes temperatures que tan alrodiu de los 10ºC, rexistrándose nel puirtu Payares 6,2ºC.
Güei una vegada que se dixebren los estratos de l’alborada va quedar el cielu poco nuboso o escampláu con unes temperatures n’ascensu anque seguirá dalgo de nordés pela costa pero con tendencia a amenorgar, nel restu l’aire sedrá sele ya variable.
Mañana xueves tendremos un aumentu de la nubosidá alta que malpenes velará’l sol con unes temperatures que siguen subiendo col aire sele ya variable ya brises pela costa.
El vienres pue escapase dalguna gotera, sobre too na fastera surocidental d’Asturies pero yá a últimes hores del día. Nel cielu tendremos per un lláu nubes d’escasu desendolque en forma d’estratos y principalmente na fastera central y nubosidá alta nel restu con unes temperatures que camudarán poco, calteniéndose un ambiente suave en xeneral. L’aire sedrá sele ya variable.
El sábadu y domingu va tar el tiempu más inestable cola posibilidá de dalguna gotera y les temperatures tenderán a descender.
