En 2012, l’Asamblea Xeneral de les Naciones Xuníes proclamó’l 21 de marzu como Día Internacional de los Montes, siendo 2013 el primer añu en celebralo oficialmente.
Cuando bebemos un vasu d’agua, escribimos nun cuadiernu, tomamos melecines para la fiebre o construyimos una casa, non siempres rellacionamos estes acciones colos montes. Sicasí, estos y munchos otros aspeutos de les nueses vides tán venceyaos a ellos d’una manera o otra.
Los montes son fundamentales para combatir el cambéu climáticu, polo que contribúin significativamente al beneficiu de les xeneraciones presentes y futures. Los montes tamién exercen un papel fundamental na erradicación de la probeza y el llogru de metes de desenvolvimientu conveníos internacionalmente, incluyíos los Oxetivos de Desenvolvimientu Sostenible (ODS).
Pero magar los increíbles beneficios ecolóxicos, económicos y sociales que nos brinden los montes, la deforestación sigue a un ritmu ensin precedentes.
“Montes: consumu y producción sostenibles”
Col fin de concenciar sobro esti problema, la tema pa 2022 del Día Internacional ye: “Montes: consumu y producción sostenibles”. El lema supon un llamáu a escoyer madera sostenible pa les persones y el planeta.