Publicado en NATURA

Los osos cantábricos tán dexando d’envernar

Semeya: Familia d’osos n’Asturies. (EFE)

Los científicos qu’estudien los cambeos fenológicos de los osos respecto al pasu de les estaciones vienen reseñando dende va un tiempu que’l cambéu climáticu ta alteriando la so envernía.

El proyectu Osos con Futuru, cofinanciáu pol programa LIFE de la Unión Europea, va centrar los sos esfuerzos na meyora de la disponibilidad d’alimentu para l’osu pardu por aciu el plantíu de pequenos bosquetes d’árboles y parrotales autóctonos n’escenarios afectaos pol cambéu climáticu.

Coordináu pola Fundación Oso Pardo (FOP), va durar hasta 2025 y cuenta cola participación de la Fundación Biodiversidá del Ministeriu para la Transición Ecolóxica y el Retu Demográficu, la Fundación Patrimoniu Natural, de la Xunta de Castiella y Llión, y el Gobiernu d’Asturies. En declaraciones del presidente de la FOP, Guillermo Palomberu, a Planeta A, trátase d’un proyectu con una triple aportación: caltenimientu de la biodiversidá, mitigación de la crisis climática y sofitu al desenvolvimientu rural.

Trá tased’un proyectu con un triple cometíu: ayudar a los osos, lluchar contra’l cambéu climáticu y crear empléu rural

Unu de los aspeutos a los que se va a emprestar mayor atención ye la sensibilización y concienciación de los colectivos que desenvuelven actividaes ivernices nos territorios habitaos pol plantígradu énte la perspectiva, yá constatada sobro’l terrén, de que d’equí p’arriba se produza xuna menor envernía de los osos.

Los científicos qu’estudien los cambeos fenológicos de los osos respecto al pasu de les estaciones vienen reseñando dende va un tiempu que’l cambéu climáticu ta alteriando la envernía d’estos animales.

 L’arándanu montés ye xuna de les bases d’alimentu de los osos na seronda. (EFE)

Asina, énte l’aumentu de les temperatures serondiegues y la moderación del fríu ivernizo, los osos vense estimulaos a caltenese activos mientres tol añu, lo que deriva nun aumentu del consumu de frutos monteses. Unos frutos monteses que, como nel casu del arándanu (base alimenticia del osu na seronda), tán en cayente nel monte cántabru por cuenta de los efectos del calentamientu global. Y lo mesmo asocede cola castañal.

Pa compensalo, el proyectu preve’l plantíu, en delles fases, de 150.000 árboles y parrotales autóctonos productores de frutos carnosos en 225 pequeños bosquetes que van ocupar 155 hectárees. A ellos sumaránse 25.000 castañales ensiertes con variedaes autóctones n’otros 75 pequeños bosquetes que van ocupar 55 hectárees y que, como los anteriores, van ubicase en localizaciones onde se ta manifestando en mayor midida’l cambéu climáticu.

Esti trabayu, que se basó nos estudios llevaos a cabu por un equipu d’investigadores de la Universidá d’Uviéu, tamién contempla la restauración de sotos abandonaos de castañales, a los que se va aplicar un tratamientu p’ameyorar la producción de frutu y el so *resiliencia climática.

«Si los osos van tar activos mientres tol añu —comenta Guillermo Palomberu—, va haber qu’aprovi-yos d’alimentu, y la meyor manera de consiguilo ye facilitar la bayura de frutos carnosos ricos n’azucres que-yos apurran la enerxía necesaria, como los arándanos o les castañes, ente otros».

Osu pardu en Somiedu (Asturies). (EFE)

Amás de los plantíos, va realizase un estudiu de la vulnerabilidá al cambéu climáticu de les árees más sensibles pal caltenimientu del osu pardu, que va ser evaluáu pa la so aplicación futura por dos grupos de trabayu con responsables de les alministraciones rexonales implicaes.

Empléu rural y acción climática. Estes acciones suponen, amás, xuna oportunidá de promoción del empléu y el desenvolvimientu rurales nes contornes de monte. «El nuesu propósitu ye contratar mano d’obra local: dende los responsables de llantar y caltener los cultivos hasta los inxenieros de montes. Queremos qu’esti proyectu contribuya a dinamizar xunas zones castigaes pol abandonu rural».

Amás, la reforestación con árboles y parrotales autóctonos contribúi a la fixación de carbonu y la mitigación del cambéu climáticu, lo que constitúi un exemplu a siguir en toa l’área de distribución d’esta especie y n’otros territorios que s’enfrenten a retos similares con especies distintes.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *