- Fonte: Muy Interesante
Atopen microplásticos nes nubes: ¿qué consecuencia puede tener pal clima? Los microplásticos apaecen cada vez con mayor frecuencia en llugares inusuales a midida que tánse penerando en tolos rincones de vida na Tierra. VIDEU
Los microplásticos son pequenos fragmentos de plásticu, de menos de cinco milímetros, que s’anicien en productos d’usu común como ropa, embalaxes y neumáticos y, una vegada lliberaos nel mediu ambiente, pueden viaxar pel aire y terminar en llugares inesperaos. Hai 1.000 micrómetros nun milímetru y, anque pueda paecer pequeñu, una cantidá abonda d’estes diminutes pieces puede tener un efectu descomanáu.
Yá detectemos microplásticos na agua potable, nos alimentos, nos insectos y otros animales (como les aves rapazos o los cetáceos), nel aire ya inclusive nos nuesos propios pulmones y sangre. Agora, nun nuevu estudiu publicáu pola Sociedá Química Estadounidense, un equipu d’investigadores empobináu pol científicu Yan Wang afayó microplásticos n’amueses de nubes del Monte Tai nel este de China.
La contaminación por microplásticos, reparada enantes dende los océanos hasta los visos de los montes, agora detectóse nes nubes, lo que xenera esmolición sobro’l so posible impactu nos patrones climáticos. Los espertos afayaron que les nubes más trupes y a menor altitú contienen mayores cantidaes de microplásticos, que consisten en polímeros comunes como’l tereftalato de polietileno y el polipropileno.
“Los microplásticos MP) nel aire tienen el potencial de viaxar llargues distancies y sufrir dellos procesos de nubes al traviés del tresporte atmosféricu. Sicasí, sábese poco sobro les interacciones ente los MP y les nubes”
¿Cómo podría afectar esto al clima de la Tierra? El descubrimientu, anunciáu esta selmana, podría conducir a una mayor formación de nubes, aumentando asina les precipitaciones o condiciones más fríes, pero los científicos dixeron que ye necesariu realizar más investigaciones. Los microplásticos representen unu de los peligros más graves al que s’enfrenta’l nuesu planeta últimamente.
Pa llegar a esta conclusión, los investigadores recoyeron amueses d’agua de nubes del visu del monte Tai, que’l so picu raspia les nubes y álzase aprosimao a kilómetru y mediu sobro’l nivel del mar. Los espertos analizaron les amueses recoyíes so microscopios y con un espectrómetru pa determinar la composición química del conteníu de les nubes. ¿Qué afayaron? Microplásticos en 24 de les 28 amueses.
Los microplásticos son persistentes, bien móviles y difíciles d’esaniciar de la naturaleza. iStock
Los investigadores afayaron xuna correlación convincente ente la prevalencia de microplásticos y l’altitú y densidá de les nubes. En particular, les nubes más trupes y de baxa altitú esibieron concentraciones más altes d’estes minúscules partícules de plásticu, según l’equipu. La composición de los *microplásticos reveló la presencia de polímeros comunes como tereftalato de polietileno, polipropileno, polietileno, poliestireno y poliamida.
L’acumuladura d’AMP (microplásticos nel aire) na atmósfera, especialmente nes rexones polares, podría provocar cambeos significativos nel equilibriu ecolóxicu del planeta, provocando xuna grave perda de biodiversidá. Los microplásticos fórmense cuando los plásticos más grandes descompónense, yá sía por degradación química o por gastadura física en cachos más pequenos. Cuanto más pequenu ye un microplástico, más fácil puede movese al traviés de los ciclos ambientales (como’l ciclu de l’agua) y, n’última instancia, terminar nel cuerpu humanu, onde los sos efectos siguen ensin tar del tou claros.
