Publicado en Sin categoría

Santiago, el pediatra uvieín que se convierte en Spider-Man

Santiago, el pediatra uvieín que se convierte en Spider-Man: “Para un neñu, l’hospital ye un sitiu inhóspito y agresivu; daqué de fantasía beneficia-y».

«Qu’un superhéroe visite a un guah.e nun va faer que camude’l pronósticu de la so enfermedá, pero sí va faer que siquier tea a gustu mientres el tiempu que permaneza ingresáu”

Santiago Jiménez Treviño (Uviéu, 1976) tien una identidá secreta. Mientres la so xornada llaboral ye pediatra nel Hospital Universitariu Central d’Asturies (HUCA). Pero, al acabar la vez, camuda la so bata blanca pol traxe azul y colloráu de Spider-Man, un paxellu col que se dedica a animar a los neños enfermos qu’alleguen al centru hospitalariu.

Apasionáu de los cómics y del cosplay, Jiménez Treviño empezó va ocho años a vistise de Spider-Man para animar a los neños hospitalizaos. El pasu del tiempu nun hai minorado la so pasión nin la so poder d’atracción: mientres la entrevista, frente al HUCA, un pasiante averase´l pediatra-superhéroe y conectó por aciu videollamada col so fíu, por que pudiera conocer al home gatuña.

-¿Cómo empezó a vistise de Spider-Man?

-El mio hermanu, Luis, entró na Lexón 501”, una asociación de xente que se caracteriza como personaxes de “Star Wars” y que tamién vien al hospital a visitar a los neños. Al ve-y, entráronme ganes a mi tamién, y de fechu acabé ingresando na Lexón 501”, onde faigo de “Stormtrooper”. Pero pasaba amás que yo merco cómics de Spider-Man dende fai más de trenta años, y dixi: “Yo quiero ser Spider-Man”. Asina que busqué un traxe chulu por que los neños creyeren, y empecé coles visites. Ye ciertu que colectivos como la Lexón 501” tamién faen visites hospitalaries, pero yo toi equí tolos díes, llevo’l traxe na mochila y ye bono de poner y quitar. Asina que, cuando tengo guardia, lo normal ye qu’a otru día llibre, y ye cuando aprovecho un poco pa faer de Spider-Man.

-¿Cómo reaccionen los neños cuando-y ven entrar pela puerta, afatiáu como un superhéroe?

-Esa ye la hestoria. De primeres, tomelo un poco como un xuegu. Pero cuando ves que los neños creen y que realmente piensen que tán falando con Spider-Man, ye cuando das cuenta de que-yos tas apurriendo daqué distinta. Eso ye lo que tratu de faer. Y ye daqué que me sigue sosprendiendo. Por casu, la edá ideal pa mi sería ente los 3 y los 8 años, que ye la edá de más maxa y más fantasía. Pero pasóme con una neña oncolóxica, con 13 años, que me dixo que yera superfan de Marvel, y cuando fui a vela emocionóse bien…

-Esti refuerzu positivu ¿hasta qué puntu puede beneficiar a los neños?

-No fondero, l’hospital ye un sitiu inhóspito, agresivu, nel qu’hai pinchaes, pruebes médiques, melecines que nos sientan mal… El fechu de qu’haya daqué positivu, daqué que los lleve anque sía un minutu a un mundu d’ilusión y fantasía, yo creo que-yos apurre abondo. Y, güeyu, que yo soi bien científicu: nun quiero dicir qu’esto vaiga faer que los neños cúrense nin que vaiga camudar el pronósticu de la enfermedá, pero sigo piensu, y llevo casi venti años trabayando de pediatra, que l’ambiente positivo fai que’l neñu, siquier, tea a gustu nel hospital.

-¿Y los compañeros qué-y dicen?

–Hai de too (rises.) A la fin, yá llevo en redol a ocho faciéndolo, y la mayoría de los compañeros yá tán acostumaos a que de xemes en cuando pase pellí Spider-Man. Los nuevos sí qu’alucinen cuando m’atopen. Polo xeneral, tolérenme y collaboren cola hestoria. Pero, sobremanera, les que más ayuden son les enfermeres y auxiliares: elles son les que me “chivan”_si hai un neñu con cómics o moñecos de Spider-Man, por que pase a visita-y.

-¿Caltien la relación coles families una vegada que termina’l tratamientu?

-Sí, claro. Conoces a los neños y acabes implicando muncho con ellos y coles sos families. Ye lo guapo, cuando les coses van bien, pero tamién lo malo cuando van mal. Porque lo lleves tou a casa, y dacuando ye duru. Pero creo que de verdá ye positivu pa ellos: dixo esa moza de 13 años: “Fantasía, esto ye fantasía”. Asina lo definió.

-Da la sensación de que nel mundu anglosaxón tienen más testaos esti tipu de refuerzos lúdicos.

-Sí. Yo tuvi unos meses rotando n’Inglaterra, cuando yera residente, y llamóme l’atención que teníen un “play specialist”, un especialista en xuegos. Yeren parte del sistema sanitariu, y equí faenlo los voluntarios. Pero ye que n’España nun tenemos nin dietistas nel sistema hospitalariu. Con tou, hai que dicir que nos últimos años surdió un movimientu de humanización de los hospitales que creo que ye fundamental. Hai que pensar que va diez años nun se dexaba la presencia de los padres nes UCI pediátriques, y agora sí. Esi ye’l camín

-Toes estes iniciatives frenáronse col covid, ¿non?

-Sí, y ye lóxicu. Nel HUCA, por casu, solo déxase la presencia d’un familiar. ¿Cómo espliques que solo pueda venir el padre o la madre, y depués tean pellí los voluntarios? Ye daqué complicáu de remanar, anque yo he de dicir qu’echo de menos que vengan los voluntarios, sobremanera porque sé qu’a los neños vien-yos perbién. Sía que non, creo qu’adulces vamos aprendiendo del covid y ameyoren les coses, tamién en relación cola presencia de los familiares nel hospital.

-Dende la so esperiencia como *pediatra, ¿cree que ta ameyorando la situación en relación col *covid?

-En pediatría tuvimos bien poco, porque los neños afectyos menos:_infecten menos, arimen menos y los que lo tienen pasen la enfermedá con más llevedá. Nuna perspectiva más xeneral, n’Asturies creo que nun tuvimos primer fola, porque’l confinamientu fixo que nun tuviéramos apenes casos. La nuesa segunda fola, a partir d’ochobre, foi, en realidá, la primera, y foi dramática. Y dempués empecemos a tener daqué d’inmunidá de grupu, colo que les andaes son menos brutales. Tengo compañeros del Hospital de la Paz que me dicíen que taben coles UCI al 70%, pero nun xubíen nin baxaben d’esi porcentaxe, lo que dexa que’l sistema nun colapse. Que foi lo que pasó en Madrid na primer fola o a nós na segunda, que tuvimos a puntu del colapso total.

-¿Aquella teoría de que los neños son “supercontagiadores” refúgala?

-Yo fui, dende’l principiu, un gran defensor de que los neños nun son pa nada supercontagiadores. Sía que non, va ser l’adolescente y l’adultu nuevu, como pasa con munchos otros virus: xente asintomática y con muncha vida social. Los neños infecten, pero muncho menos que los adultos. Nun hai más que mirar a los colexos, que, a éstes tan faciendolo perbién: yo pensaba qu’en dos o trés selmanes, n’empezando’l cursu, taríamos en “telecole”, pero aguantemos el primer trimestre enteru ensin munchos confinamientos. Y hai otru beneficiu: en pediatría sumiéronnos el restu de virus. La selmana pasada teníamos na planta de pediatría a unu o dos neños, cuando por estes mesmes feches, l’añu pasáu, había trenta y picu, la mayoría por problemes respiratorios, como la bronquiolitis. Pasemos de ver a 150 guah.es n’urxencies a ente 30 y 40. Midíes como la llavadura de manos, el distanciamientu o’l mázcaru faen que nun haya tresmisión de los otros virus.

 /

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *