Publicado en TIEMPU

La Lluna va alliniase con Xúpiter, Venus y Saturno nestos díes

La Lluna va tener una alliniación con Xúpiter, Venus y Saturno, a güeyu podrá vese a los planetes destellantes xusto al llau del satélite natural.

Si hai una dómina del añu onde los eventos astronómicos algamen el so puntu más álxido, esa ye a finales d’añu. Pero esti final de 2021 tuvo apináu d’eventos estraordinarios que travesaron pola bóveda celeste, dende eclises llunares y cortiles, hasta avistamientos de cometes. Sicasí, inda nun termina y el cielu regálanos una alliniación de la Lluna con trés planetes, Xúpiter, Venus y Saturno. Podrá vese a güeyu, mientres trés nueches consecutives y ensin necesidá de preseos d’observación, namá tienes de mirar escontra’l cielu na fecha y hora indicaes.

¿Qué ye una alliniación ente planetes?

Dende la perspectiva terrestre, esiste un camín pol que traviesen los astros celestiales y por onde tamién desfilen les dolce constelaciones zodiacales. Esti camín xune imaxinariamente al este col oeste y ye por onde trescurren tamién el Sol y la Lluna. Llámase-y Eclíptica y ye xuna llínea imaxinaria llixeramente curvada escontra’l Sur, que traviesa d’este a oeste’l firmamentu.

Si reparamos dende una perspectiva fora de la Tierra, veríamos imaxinariamente cómo la Eclíptica curtia horizontalmente el Sistema Solar. Ye por esto que cuando la Tierra va amodo xirando sobro la so propia exa, ye al traviés d’esta llínea imaxinaria que se mueven tantu l’Astru Mayor, el satélite natural, pero tamién tolos planetes.

Xuna alliniación o conxunción, asocede cuando dos o más cuerpos celestes pueden reparase xuntos trescurrir pola Eclíptica. Esto ye, hai que pensar que los planetes tán a millones de kilómetros de nós y cada unu tien un periodu de traslación distintu al de la Tierra, nun ye d’esperase que siempres podamos reparalos xuntos nel firmamentu y muncho menos tan abargana de la Lluna.

Cuándo ver l’alliniación de la Lluna colos trés planetes. Ente’l 6 y 8 d’avientu podrá reparase l’alliniación, tamién llamada conxunción, de la Lluna colos planetes Xúpiter, Venus y Saturno. El primeru n’averase al satélite natural va ser Venus, cuando la Lluna se coloque a tan solo 1°52’ al sur del planeta esti 6 d’avientu.

Saturno va ser el segundu en desfilar pola Eclíptica bien cercanu a la Lluna, esti 7 d’avientu de 2021. va averase a la Lluna con apenes 4°11’ escontra’l sur. Y finalmente va llegar la vez de Xúpiter, la Lluna va allugar a 4°28’ al sur del xigante anillado.

Cómo ver esti fenómenu nel cielu. Como espliquemos más arriba, la Eclíptica ye’l puntu de referencia más grande pa reparar esti tipu de fenómenos. Va Ser bien senciellu reparar les alliniaciones, namá tien de mirar escontra la bóveda celeste nos díes indicaos. Una vegada que’l Sol punxérase y la Lluna asome pol este, hai que siguir la so trayectoria d’este a oeste. El puntu más brillosu xuntu al satélite natural va ser Xúpiter, Venus o Saturno, dependiendo de la fecha en que mire’l fenómenu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *