Publicado en Día de...

Día Mundial de l´Actividá Física

/

Asociada al Día Mundial de la Salú, que se celebra cada añu’l 7 d’abril, l´OMS promueve ente los sos estaos socios la celebración del Día Mundial de l’Actividá Física acaldía 6 d’abril.

Nel so compromisu cola salú de la población asturiana la Dirección Xeneral de Salú Pública de la Conseyería de Sanidá del Principáu d’Asturies súmase un añu más a esta celebración coles mires d’aunir esfuerzos y revertir los porcentaxes d’inactividá.

Oxetivu: vivir más y meyor

El Día Mundial de l’Actividá Física tuvo dende la so nacencia un oxetivu claru: la sensibilización de la población para crear una cultura participativa de vida activa saludable.

Promocionar l’actividá física non solo ye una urxente prioridá de salú pública, sinón qu’amás representa una de les inversiones non sanitaries más acertaes y necesaries, porque coles mesmes qu’ameyoren la salú de la población aumenta la rentabilidá del sistema sanitariu. Para l´OMS, l’actividá física ye la forma más senciella y económica de prevenir enfermedaes y ameyorar la salú.

Estudios epidemiolóxicos demuestren que les persones físicamente actives tienen menos probabilidá de sufrir enfermedaes cróniques como cardiopatía coronaria, hipertensión arterial, accidentes vasculares, cerebrales, diabetes, cáncer de colon y de mama, depresión; tamién tienen menos riesgu de sufrir cayíes y quebres vertebrales o de cadril y mayor probabilidá de caltener un pesu saludable.

Contra’l sedentarismu. La sociedá tien de llegar a atalantar que el sedentarismu ye la principal causa básica d’enfermedá y discapacidá, responsable de más de dos millones de muertes al añu y el cuartu factor de riesgu más importante de la mortalidá mundial. La llucha contra’l sedentarismu hai de ser constante y permanente porque, a pesar de que nestos postreros 15 años la sociedá tomó mayor conciencia y rellaciona l’actividá física cola salú, el 60% de la población mundial y el 70% de la población europea nun tien una actividá física abonda como por que redunde en beneficios para’l so salú.

Encamientos básicos. Por que l’actividá física sía saludable l’encamientu ye qu’hai de ser regular, moderada y brengosa. Nos adultos encamiéntense 30 min diarios o 75 min selmanales, si l’actividá ye brengosa, ó 150 min selmanales si ye moderada. Un mayor tiempu d’actividá siempres reporta mayores beneficios para la salú, sicasí, más allá de 300 min selmanales, nun hai evidencia de que’l beneficiu aumente.

Na infancia y adolescencia l’encamientu ye que l’actividá física diaria sía de 60 min, partíos ente actividaes rutinaries, programaes y recreatives. Nestes edaes promover una actividá física saludable non solo contribúi a amenorgar el riesgu d’obesidá y sobrepesu, sinón qu’amás favorez la sociabilidá, el desenvolvimientu físicu ya intelectual.

La Dirección Xeneral de Salú Pública de la Conseyería de Sanidá del Principáu d’Asturies estima’l trabayu y la participación de tolos axentes sociales, Conceyos, Centros educativos, sociales y de salú que día ente día s’esforcien en consiguir que la VIDA de los asturianos sía cada vez más ACTIVA y SALUDABLE.

Más información.  Actividá física. Pol to salú, muévite (Astursalud)


 Día Mundial de la Actividad Física. Conmemoraciones:

Cuida tu corazón. Prevención de las enfermedades cardiovaculares. Vida activa, comida sana con poca sal, evitar tabaco y alcohol.

Bicicleta como uso de medio de movilidad saludable y de promocion de la actividad física

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *