Publicado en Alimentos, Muyeres, Premios

Una productora de Belmonte, Premiu nacional “TalentA”

Una productora de shiitake de Belmonte, finalista del premiu nacional “TalentA”. WEB: https://www.shiit-astur.com / Belmonte Miranda – Asturias /652337823 /  info@shiit-astur.com

María Monge, que punxo en marcha va dos años la so empresa de producción de setas/cogordes en tueru de castañal y carbayu, foi escoyida ente 80 candidatures.

María Dolores Monge Jurado, cola so empresa Shiit-Astur de producción de cogorda shiitake en tueros de castañal y carbayu, que punxo en marcha va dos años nel pueblu de Pando, en Balmonte, resultó ayeri la segunda finalista nel programa “TalentA” 2021, al que se presentaron 80 candidatures de muyeres rurales de toa España coles sos iniciatives empresariales nel mediu rural. Ver web TalentA

Esti programa ye xuna iniciativa pionera de capacitación y financiamientu pa muyeres entamadores nel campu puesta en marcha por Corteva Agrisciencie, compañía referente nel sector agrícola en tecnoloxía aplicada a granes y agricultura dixital, y Fademur (Federación d’Asociaciones de Muyeres Rurales d’España). El primer premiu foi pa la madrilana María Jesús Carrasco, pola so quesería artesanal La Maliciosa; el segundu foi pa María Dolores Monge por ShiitAstur, y el terceru pa la gallega María José Tallón, pol so proyectu Trasdeza Natur.

La premiada, casada y madre de dos neñes de 5 y 3 años, amosábase ayeri bien feliz con esta reconocencia que supon, pa ella, como pequena productora nel mediu rural, “xuna ayuda y un sofitu para visibilizarnos”. “El xuráu valoró qu’el mio proyectu fuera innovador y respetuosu col mediu pos se trata, siguiendo la manera tradicional xaponés, d’un cultivu ecolóxicu certificáu de cogordes shiitake. Na mio familia siempres hubo cultura de cogordes y Asturies ye un llugar aparente pa produciles tanto pola riqueza del monte como por temperatura. N’Asturies hai qu’aprovechar los montes, yo soi de quien creen que nel mediu rural pueden desenvolvese munches iniciatives; yo toi n’ello”, afirma María Dolores Monge, que recibió ayeri’l premiu per vía virtual.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *