Publicado en Día de...

Día Mundial de les Tortúes Marines

El 16 de xunu celebra’l Día Mundial de les Tortúes Marines, unu de los animales más amenaciaos del planeta y de la mesma xuno de los más llonxevos. Lleven na Tierra dende la era de los dinosaurios, unos 200 millones d’años tras. Son una de les especies más antigües del planeta (160 a 180 millones d’años).

Por eso dedícase-yos esti día mundial para concenciar a la población del peligru que cuerren y les amenaces que los acesmen, según arreyar a la humanidá nel cuidu y supervivencia de la especie, cuntando col sofitu d’innumberables organizaciones ecoloxistes y ambientales.

Nel nuesu territoriu reparáronse 6 de les 7 especies de tortúes marines qu’esisten nel mundu: boba, laúd, verde, carey, lora y olivácea. El so papel ye clave para la salú del océanu, calteniendo l’equilibriu de los ecosistemes marinos.

La Unión Internacional para’l Caltenimientu de la Naturaleza recueye na so llista colorada 7 especies de tortúes amenaciaes.  La basura oceánica, los plásticos, la pesca con redes onde queden atrapaes, el cambéu na temperatura de los océanos y l’aumentu del turismu nes sableres onde desovan, faen que les tortúes marines tean gravemente amenaciaes y teas sumiendo.

La celebración d’esti día coincide cola nacencia nel añu 1909 del conservacionista de tortúes marines Archie Carr, que la so trabayosu llabor contribuyó a la protección d’esta especie. Foi un conservacionista de Alabama que lluchó mientres tola so vida pol caltenimientu de les poblaciones de tortúa, principalmente en Costa Rica.

/

Anguaño esisten siete especies de tortúes marines, seis de les cualos atópense en peligru d’estinción:

  • Tortuga Plana (NatatorDepressus)
  • Tortuga Verde (CheloniaMydas)
  • Tortuga Carey (EretmochelysImbricata)
  • Tortuga Boba (CarettaCaretta)
  • Tortuga Laud (DermochelysCoriacea)
  • Tortuga Olivácea (LepidochelysOlivacea)
  • Tortuga Bastarda (LepidochelysKempii)

Curiosidaes:

  • El cascu d’una tortúa forma parte de la so cadarma, compuestu de 50 güesos.
  • Son reptiles omnívoros y aliméntense de corales, algues, calamares y aguamales/meduses.
  • El dentame de les tortúes marines ta conformada per picos de queratina allugaos na parte cimera de les sos boques.
  • Nes dómines de reproducción ya incubación de güevos suelen volver al llugar onde nacieron. Pueden guarar más de 100 güevos nun ralu de 60 díes.
  • Envalórase qu’una de cada 1.000 críes sobrevive y algama la edá adulta.
  • Les tortúes marines pueden migrar llargues distancies, algamando velocidaes ente 27 Km/h a 35 km/h.
  • Son llonxeves, pueden vivir ente 150 y 200 años.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *