- Europa Press: El Principáu anicia’l procesu pa declarar la cultura del acebache bien d’interés cultural inmaterial
- RTPA / INCUNA /
El Principáu anicia’l procesu pa declarar la cultura del acebache bien d’interés cultural inmaterial. La tramitación de la declaración va durar un máximu de dos años.
La Conseyería de Cultura, Política Llingüística y Turismu principió’l procesu pa que la cultura del acebache sía bien d’interés cultural (BIC) de calter inmaterial. El procesu va durar un máximu de dos años y precisa d’informes de l’Academia de la Historia, la Universidá d’Uviéu y el Real Institutu d’Estudios Asturianos (Ridea).
La esistencia d’un xacimientu d’acebache d’escepcional calidá n’Asturies dexó, yá dende dómines remotes, la so esplotación minera y el so aprovechamientu artesanal, de cuenta que surdió una cultura basada nes cualidaes d’esti singular mineral.
Esta trayectoria histórico y artístico identificase con un área xeográfica determinada, Les Mariñes de Villaviciosa y la so redoma, onde pervivió la tradición minera hasta fai un par de décades y na que se concentra’l mayor númberu d’artesanos qu’entá siguen venceyaos al acebache.
L’oficiu d’acebacheru, güei amenorgáu en númberu, ellabora y comercializa básicamente dos tipos de productos, per un sitiu, pieces tradicionales de les que xeneren una gran producción, y por otru, pieces de xoyería que salen de talleres nos que se define un estilu propiu, trabayando’l diseñu y una ellaboración distintiva ya innovadora, nuna llínea qu’incorpora nuevos materiales.
