La XLIV Selmana de les Lletres Asturianes, que va celebrase ente’l 28 d’abril y el 6 de mayu, va rindir homenaxe a la figura del poeta y críticu lliterariu Xosé Bolado.
Pa esta celebración ponse a disposición del profesoráu una variedá grande d’actividaes dixitales, ABP, xuegos d’escape y otres ellaboraes ad hoc pa llevar al autor celebráu y la lliteratura a les nuestres aules.
XLIV SELMANA DE LES LLETRES ASTURIANES
Bono! Pues yá llegó otru añu más la selmana de fiesta pa la llingua y la lliteratura asturianes, ye lo que llamamos la Selmana de les Lletres Asturianes.
Esti eventu tan importante pa la nuesa llingua y lliteratura, y tamién pa la nuesa cultura, va 44 años que se cellebra (alcordáivos de los númberos romanos) y tien delles peculiaridaes que vamos ver nesti canvas onde vais topar abonda información sobre esta selmana, referencia de la cultura asturiana y sobre la persona a la que tea dedicada esti añu.
Xosé Manuel Bolado García (1946, Uviéu – 20 de mayu de 2021, Madrid), más conocíu como Xosé Bolado, foi académicu, profesor y estudiosu de la lliteratura asturiana y poeta en castellanu.
Vida
Tamién ye autor del prólogu, les notes y la bibliografía de «Escritores en Llingua asturiana» (1992) nel so llabor d’antólogu y críticu lliterariu, incluyiu na colección «Grandes autores asturianos» de la editorial Hércules-Astur; autor de los prólogos de dos llibros de Rosario Acuña, y del fascículu «Lliteratura asturiana contemporania» de la Historia de Asturias de La Nueva España. Tien publicaos diversos trabayos y artículos sobre l’actual panorama de les lletres asturianes.
Foi presidente del Atenéu Obreru de Xixón, onde fundó y dirixó la colección poética Deva. Foi tamién promotor y primer direutor de la revista Lliteratura.
Obra
Autor de l’Antoloxía poética del Surdimientu (1989), nella fai una amuesa de poemes de diez autores de les dos xeneraciones del Surdimientu, qu’en pallabres del propiu Xosé Bolado: quier ser la esbilla, amás que muestra, una metáfora d’una lliteratura, d’un procesu de normalización lliteraria decisivu na nuesa historia moderna
- Creación
- Línea imperceptible al temor / José Bolado. — Xixón : Ateneo Obrero, 1988. — 75 p. ; 24 cm. — (Deva ; 5). ISBN 84-404-2023-4
- Nomade /José Bolado. — Bari (Italia) : Levante, 1991. — 37 p. ; 14 cm. —(Quaderni della Valle ; 10)
- Edición lliteraria
- El padre Juan /Rosario de Acuña ; prólog de José Bolado. — Ed. facs. — Xixón : Ateneo Obrero, 1985. — XXXIX, 89 p. ; 18 cm.
- Antoloxía poética del Resurdimientu / Entamu y sel. Xosé Bolado. — Xixón : Ateneo Obrero, 1989. — 125 p. ;24 cm. —(Deva ; 10). — ISBN 84–404–5799–5
- Artículos y cuentos / Rosario de Acuña ; biografía, José Bolado. — Xixón : Ateneo Obrero, 1992. — 116 p. ; 15 cm. — (Fortuna balnearia ; 4). ISBN 84-87958-01-X
- Escritores en llingua asturiana / prólogo, notas y bibliografía por Xoxé Bolado García. — Uviéu : Hércules–Astur de Ediciones, 1992. — 525 p. ; 20 cm. — (Grandes autores asturianos). — ISBN 84-86723-27-2
