Publicado en Indumentaria, Llibros Adultos

Novedaes editoriales: Indumentaria de Tradición n’Asturies

Contraportada del llibru. Semeya de Luis Miguel Natal

Esta tarde a les 20:00 va tener llugar la presentación d’esti nuevu trabayu sobre’l traxe tradicional asturianu nel Muséu Etnográficu del Oriente d’Asturies (Centru Cultural Llacín, en Porrúa). En realidá ye’l primeru d’una serie de trabayos sobre la indumentaria popular nel conceyu de Llanes, unu de los llugares onde meyor calteníu y documentado atópase. El volume 1 ta dedicáu al paxellu femenín adultu.

Ta compuestu por distintos capítulos que repasen la realidá de la forma de vistir tradicional nel oriente d´Asturies. Quiciabes xuno de los problemes a los que s’enfrenta quien estudia esta tema ye que’l traxe idealizóse y reformulóse en tiempos pasaos, sobremanera nel sieglu XX, ensin siguir un criteriu formal y estilístico como’l que se ta realizando nos distintos estudios qu’enceten la tema na actualidá.

Basándose en pieces calteníes y na documentación de la dómina para garantizar la so autenticidá, lleguen a conclusiones “n’ocasiones sorprendentes”. Nel segundu volume de la serie, va encetase’l mundu masculín y l’infantil.


Indumentaria de Tradición n’Asturies. Pola #pinta… son de Llanes

Los autores d’esti trabayu son: Francisco Javier Emperador Marcos (Veguellina de Orbigo – Llión, 1.962). Técnicu cimeru n’arte testil, profesor de pianu, presidente del Centru de Cultura Tradicional de Llión, y Director del Muséu de les Tradiciones Ciudá de Llión. Publicó numberosos estudios y artículos especializaos en temes etnográfiques y de folclore. Posesor d’una importante colección d´indumentaria tradicional lleonesa y asturiana, y los sos complementos de xoyería, pintura, fotografía, etc.

Luis Miguel Natal Sánchez (Llión 1.969). Estudios universitarios na Universidá d’Uviéu y Técnicu Cimeru n’Obra Civil. Técnicu de montaxe del Centru de Cultura Tradicional de Llión y del Muséu de les Tradiciones Ciudá de Llión. Como fotógrafu publicó diversos trabayos especialmente venceyaos col mundu de la tradición y l’etnografía. Gaiteru y músicu tradicional. Fotógrafu d’esta obra.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *