Publicado en Curiosidaes

Afayen el verdaderu propósitu de Stonehenge

Afayen el verdaderu propósitu de Stonehenge, miles d’años antes de convertise en calendariu solar.

Siquier 4 milenios antes del Neolíticu, el sitiu de Stonehenge yá yera utilizáu polos seres humanos pa cazar especies grandes, revela un estudiu.

La noticia llegó en marzu de 2022. Un equipu d’arqueólogos finalmente determinara cuál yera la función real del xacimientu de Stonhenge, el míticu espaciu de formaciones neolítiques nel Reinu Uníu. Pola posición de les piedres, los científicos determinaron qu’ésti fuera un calendariu solar, que daba la pauta de 365.25 díes. Xustamente, una vuelta al Sol.

Sicasí, la investigación nun esquizó sobre’l posible funcionamientu d’esti sitiu previu a la construcción del calendariu astronómicu. Acordies con un estudiu recién, muncho primero de que les piedres de Stonehenge sirvieren como un marcador de tiempu, l’espaciu ocupóse como un cotu de caza». Esto ye lo que sabemos.

Stonehenge Neolítico
Primero que fuera un calendariu solar

Stonehenge allugase na planicie de Salisbury, a unos 130 km al oeste de Londres, según documenta National Geographic Historia. Pola orientación y diseñu del espaciu, envalórase que foi construyíu por delles xeneraciones, a lo llargo de 1,600 años, mientres el periodu prehistóricu del Neolíticu.

Según asocedió con otres sociedaes de la dómina, una de les actividaes principales qu’ocuparon a los pobladores por milenios fueron la caza y la recueya. Por ello, l’actual pandu británicu foi escenariu pa xornaes de cacería estenses a lo llargo del Mesolíticu, fai ente 10 mil y 5 mil años antes de la nuesa era.

Otres fontes documentales sostienen que, previu a ser un espaciu ensin árboles, sobre’l pandu crecía un monte de dosel zarráu. Sicasí, históricamente xeneróse un alderique al respeutu:

«Hubo un llargu alderique sobro si l’arqueoloxía monumental de Stonehenge creose nun paisaxe montiego deshabitau o si construyose n’un área yá parcialmente abierta d’importancia presistente pa los cazadores pañadores del Mesolíticu tardíu», escribieron pa PLOS One los autores.

L’estudiu demostró que la área taba abierta. Polo cual, foi l’espaciu ideal por qu’especies d’herbívoros pastiaren. Esto atraxo a los cazadores pañadores a la zona, una y bones el pandu emprestose pa someter a preses grandes. Lo más probable, espliquen los autores, ye qu’esista «una continuidá ente #el cazadores pañadores del Mesolíticu y los constructores de monumentos del Neolíticu o de la Nueva Edá de Piedra».

Un procesu d’asentamientu paulatín

Pa entender esto, ye importante tener en cuenta que los cazadores pañadores típicamente yeren nómades. Esto ye, nun se quedaben n’un mesmu llugar pa siempres. Sicasí, esto nun quier dicir que’l sitiu onde güei ta Stonehenge afayárase de sópitu, espliquen los el investigadores. Otra manera, l’estudiu revela que se trató d’un procesu d’asentamientu paulatín.

Lo que ye más: «[…] paez que la xente conocía esti llugar dende diba sieglos«, reporta Live Science. La evidencia suxure que, siquier, l’espaciu taba habitáu 4 mil años primero que Stonehenge siquier empezara a construyise nel Neolíticu:

«[…] los cazadores pañadores yá escoyeren parte d’esti paisaxe, un claru aluvial, como un llugar persistente pa la caza y l’ocupación», espliquen los autores nun comunicáu.

Milenios primero que Stonehenge convertiose nun calendariu solar nel Neolíticu, los seres humanos primitivos utilizaben el pandu como terrenal de cacería. Col tiempu, alzaríense piedres pa representar a dioses primixenios, en redol a los cualos rexiríense les vueltes de la Tierra en redol al Sol, les estaciones y eventualmente, los ciclos agrarios na zona.

 

Revelan que Stonehenge fue un antiguo calendario solar de 365.25 días

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *