Entrando la seronda a les nueses vides, hai daqué que nun podemos negar n’Asturies: la castaña entra a formar parte de la nuesa gastronomía. Un gran exemplu de too esto ye’l amaguestu, esa celebración na qu’axuntamos cola escusa de comer castañes asaes y beber sidra duce. Fonte: VerAsturies
Para tantos deliciosos platos realizaos con esti frutu o para celebraciones como lo qu’acabamos de mentar ye necesariu «dir a la gueta», esto ye, salir al monte en busca de castañales que soltaren los sos frutos. Esti actu convirtióse yá n’una tradición y son dellos los grupos vecinales que s’axunten non solo na mesma celebración serondiega, sinón tamién para buscar el deliciosu manxar escondíu ente les fueyes cayíes.
Si quies esfrutar de dalguna celebración, en L’Entregu ye La Semiente la organización qu’entama’l Amagüestu, según la busca de castañes nos díes anteriores. Anguaño 2022 va festexase en tardar del 21 d’ochobre, a partir de les 17:30 hores. Si te gusten les castañes, esta ye la to fiesta.
