Publicado en Lliteratura, RTPA

TPA: segundu capítulu de «ELLES, muyeres na lliteratura asturiana»

TPA emite güei, miércoles 25 de payares a les 23:30 hores, el segundu capítulu del documental que percuerre la hestoria de la lliteratura asturiana fecha por muyeres a lo llargo de la hestoria.

Nesti segundu capítulu d’Elles, muyeres na lliteratura asturiana, Sonia Avellaneda percuerre’l sieglu XX, hasta l’apaición del Surdimientu y el cambéu de paradigma que supon nos años setenta. Setenta años nos que tenemos una amuesa enforma mayor d’autores que vivieron momentos bien estremaos, l’empiezu de sieglu, los movíu años trenta, la Guerra, l’esiliu, la dictadura franquista. Una apasionante hestoria na que conocemos a muyeres como María Balbín, Tuxa Villaverde, Elvira Bravo, Ánxeles López Pindia, María Xosefa Canellada, Eva González, Floria Alíes, Nené Losada Rico o María Elvira Castañón. Muyeres que fueron exemplu de llucha y superviviencia en momentos difíciles, según trasmisoras del idioma y la cultura d’Asturies.

L’espaciu “Elles, muyeres na lliteratura asturiana”, realizalu Cuatro Gotes Producciones, ta presentáu pola periodista Sonia Avellanae y escritores y estudioses de la lliteratura asturiana Marta Mori, profesora de la Universidá d’Uviéu, Esther Prieto, editora, y María Esther García, presidenta de l’Asociación d’Escritores d’Asturies.

Más de mediu centenar d’investigadores y escritores participen col so testimoniu nesti documental, cuntar característiques de cada autora, la novedá y l’importancia de la so obra.

Autor:

Maestra de Llingua Asturiana Colexu Carmen Ruiz-Tilve - Uviéu