¿Qué quier dicir la pallabra “tradición” y cuándo entamó a sentise? ¿Cómo ye qu’emponderamos la sociedá tradicional y al empar condergamos coses que nun-y son ayenes, como’l patriarcáu, el clericalismu y los roles de xéneru, por nomar daqué? Al cabu y a la fin, ¿qué imaxen nos vien a la cabeza cuando facemos alcurdanza d’una Asturies que se foi? Nesta charra vamos ver d’afitar el tarrén conceutual d’una estaya d’aición social que nomamos “cultura asturiana”, a la que-y damos la consideranza de patrimoniu y na que trabaya una minoría que nun quier disolvese na pantasma ensin cara de la globalización.
