Publicado en Día de...

Día Mundial del Arte

Dende l’añu 2012 vien celebrándose cada 15 d’abril el Día Mundial del Arte, una fecha que busca dar a conocer la importancia que tien l’arte y sobremanera el pensamientu creativu, para la evolución del pensamientu humanu y el resolvimientu de los problemes que nos aquexen.

La celebración propusola l’Asociación Internacional d’Artes Plástiques (AIAP) y foi partir de 2019 cuando s’oficializó’l Día Mundial del Arte per parte de la UNESCO.

Establecióse que fora’l 15 d’abril, por cuenta de qu’este ye’l natalicio d’unu de los mayores artistes de la humanidá. De xacíu que falamos de Leonardo Da Vinci, (ver artículos) un home que foi pintor, escultor, diseñador, arquiteutu, poeta, biólogu y un llargu etcétera, por eso considérase-y l’home de la renacencia.

L’arte ye una de les formes más evolucionaes de la espresión humana. Al traviés d’ella l’home puede espresar la so visión personal sobro aquello que-y aquexa, interésa-y o a cencielles paez-y bellu, per mediu de recursos plásticos, sonoros o llingüísticos.

Ente les munches ventayes que detectó la ciencia sobro la práctica del arte dende edá temprana, les más importantes son:

  • Desenvuelve xuna sensibilidá que-y dexa a la persona desenvolver un códigu d’ética bien sólidu.
  • Ayuda al aumentu de la concentración.
  • Dexa’l desenvolvimientu d’estructures de pensamientu muncho más complexes.
  • Fomenta’l desenvolvimientu de la creatividá tanto individual como grupal.
  • Promueve la tolerancia.
  • Aumenta l’enfotu y l’autu conceutu del individuu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *