’Archivu d’Asturies va celebrar unes xornaes de puertes abiertes el vienres y el sábadu
L’Archivu Históricu d’Asturies comparte see y medios materiales y personales col’Archivu Históricu Provincial d’Asturies, dende’l 25 d’abril de 2005
Los fondos colos que cunta l’archivu son:
- 88.775 caxes
- 14.838 llibros
- 1.906 microformes
El públicu va poder esfrutar, amás, de l’amuesa Asturies nos sos documentos, qu’alluga l’equipamientu nestos momentos y que retrata l’aportar social, políticu y económicu al traviés de distintos documentos y testimonios, como los referíos a la evolución de les grandes empreses d’orixe asturianu.
L’Archivu Históricu d’Asturies, que tien la so see nel edificiu de l’antigua cárcel provincial d’Uviéu dende 2010, conserva más de 180 fondos, tanto públicos como privaos, que tán a disposición de la ciudadanía. Ente otros fines, busca promover l’arriquecimientu del patrimoniu y fomentar la investigación y la cultura, con especial referencia a les sos manifestaciones autonómiques. Tamién tien ente les sos funciones les d’axuntar, caltener, entamar y espublizar la documentación de les instituciones antecesores de la comunidá y la documentación con valor históricu producida pola Alministración autonómica y los sos organismos dependientes.
Dirección: Arcipreste d’Hita s/n, 33012 Uviéu
Teléfonu: 985225769
Fax: 985214328
Corréu electrónicu: archivohistorico@asturias.org
Horariu d’apertura:
D’ochobre a mayu: Llunes a vienres, de 9 a 14 h. / Martes y xueves, de 15 a 18 h.
De xunu a setiembre: Llunes a vienres, de 9 a 14 h.