Publicado en Curiosidaes

L’Asturies en miniatura d’un conceyu madrilanu

Dende la plaza de Cuadonga parte una rede de cais con nomes de localidaes del Principáu y una Santina ye protagonista de la so ilesia.

Nel suroeste de la Comunidá de Madrid asítiase Navalcarnero. Trátase d’un conceyu con cerca 30.000 habitantes y nel que gran parte del so caleyeru municipal lleva raigaños asturianos.

Al sur de la localidá atopamos la plaza Cuadonga, el llugar d’onde tou naz. Al so alredor,  la cai Mieres, cai d’Avilés y cai Pravia. Nel enclave tamién ta la Ilesia de Cuadonga, na que la figura de «La Santina» ye la gran protagonista.

Sicasí, la presencia asturiana nesti barriu del conceyu madrilanu de Navalcarnero nun termina equí. La cai Asturies ye una de les más llargues, atopándose cola cai Ribadavia, la infiltrada gallega.

Dende la cai Uviéu hasta la cai Xixón, pasando pola cai Cangues d’Onís, cai de L.luarca, cai Llanes, cai Llangréu o cai del Ríu Nalón. Les cais Pravia, Mieres, Tinéu, Felguera, de Cudideiru y de Pola de Siero completen el mapa.

Amás, el polideportivu municipal de Navalcarnero, moteyáu de Cuadonga, tamién se suma a esta llista de nomenclatures ástures dientro d’esti conceyu al suroeste de Madrid.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *