Publicado en Añu de...

L’Añu Nuevu Llunar: l’añu del tigre d’agua

L’Añu Nuevu Llunar empieza oficialmente esti 1 de febreru y con él la celebración más llarga ya importante d’esti calendariu de tradición asiática: una festividá que dura dos selmanes y remata el 15 de febreru col festival de los faroles, que marca la lluna llena. En 2022 dizse adiós al añu del güe y recibise l’añu del tigre.

Tigre. Los nacíos en 1926, 1938, 1950, 1962, 1974, 1986, 1998, 2010 y 2022, son consideraos trabayadores, coraxosos, valientes, activos, atentos, benevolentes y tienen un calter líder. Son apasionaos y tienen un gran corazón. El 2022 ye un añu de Tigre, poro, estes persones van cumplir el so «añu de nacencia».

Entérate de too sobro l’horóscopu chinu 2022. Anguaño va ser representáu pol Tigre d’Agua, con un períodu que va empezar el 1 de febreru col Añu Nuevu Chinu y va rematar el 21 de xineru 2023.

Como afirmemos, l’Añu Nuevu Chinu 2022 va ser representáu pol Tigre d’Agua. Esto ye, persones fuertes, creatives y que siempres-yos encanta aprender daqué nuevu, polo que son bien interesaes.

El Tigre d’agua representa la fuerza y la valentía, y son persones templaes, carismátiques, y enérxiques. Eso sí, el so puntu negativu ye la impulsividá y l’inmadurez. Agora bien, el Tigre d’Agua nun se da por vencíu cuando va en busca de daqué. ¡Tolo que se propón consiguilo! Coles mesmes, tienen un gran sentíu del humor y esfruten enforma en familia, sobremanera colos neños pequenos.

La predicción del para esti 2022 ye que los tigres enfrentense a munchos desafíos y dificultaes. Pero, non tou va salir mal, tienen que ser positivos y optimistes porque’l camín s’allanará. Según l’horóscopu chinu, usar coses coloraes podría traer bona suerte nun añu de nacencia del signu, como por casu llevar pulseres o collares d’esti color.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *