Trátase d’una festividá que conmemoración del movimientu obreru mundial. El so significáu ye simple: reivindicar los derechos llaborales de los trabayadores.
Nun hai qu’escaecer qu’esta fecha rinde homenaxe a aquellos que llucharon por una vida digna para toos los trabayadores.
Orixe: El Día del Trabayador remóntase al sieglu XIX. Naquella dómina les xornaes llaborales yeren muncho más llonxeves que les d’agora. Los trabayadores invertíen 12 hores del so tiempu en llaboriar, pero había dalgunes que yeren hasta de 18 hores. Los obreros, bien descontentos cola situación, decidieron ponese en fuelga y protestar. Entós daquella fíxose bien famosu’l eslogan «ocho hores de trabayu, ocho hores de descansu y ocho hores d’ociu».
La situación nun ameyoró coles lleis y convenios, asina que los obreros echaronse a la cai. Eso foi’l 1 de mayu de 1986. Un fechu históricu, pos se convocaron más de 400 manifestaciones distintes nes que se llegaron a axuntar decenes de miles de persones. La manifestación enllargose mientres dellos díes. Hubo, inclusive, delles muertes. El 4 de mayu, la policía terminó cola vida de 8 protestantes dempués de qu’un artefactu esplosivu acabara cola vida de 7 axentes. La situación foi bastante problemática.
En 1984, la Segunda Internacional Socialista decidió conmemorar aquellos eventos con una celebración oficial que se celebraría’l 1 de mayu. Yera una manera de recordar les protestes, la llucha pola xornada de les 8 hores y el movimientu obreru.
Na llucha poles sos reivindicaciones llaborales, llograron derechos y beneficios contractuales que fueron reconocíos pola llexislación en materia llaboral, contemplaos en contratos y convenios colectivos de trabayu. De siguío mentamos dalgunos d’ellos:
- Amenorgamientu de la xornada llaboral a 8 hores.
- Seguridá Social: Seguro contra Enfermedaes, Accidentes de Trabayu, Invalidez y Vieyera.
- Igualdá salarial.
- Derechu al salariu mínimu.
- Esfrute de vacaciones.
- Bonificaciones.
- Pagu de díes festivos.
- Derechu a l’Asociación Sindical.
- Derechu a la fuelga.
Recordamos a Marx y los sos planteamientos nel sieglu XIX y la realidá de güei: la esistencia del trabayu infantil en parte del mundu, la esplotación llaboral, l’alienación, la plusvalía, la llucha de clases, la mercantilización del cuerpu de les muyeres… Y una cita so como ecu que nun cesa: «precisamos otra educación para otra sociedá y otra sociedá para otra educación».
