Publicado en NATURA

5 animales que podríen escastase y desaparecer en 2021

Semeya: Getty Images

A pesar de los esfuerzos de caltenimientu, el bisonte européu y munchos otros animales podríen escastase nel intre del 2021.

Añu con añu, la Unión Internacional pal Caltenimientu de la Naturaleza (UICN) alimenta la so Llista Colorada, na que figuren les especies que cuerren el peligru d’escastase. Anguaño, 35 mil especies distintes tán amenaciaes, lo que correspuende al 28 % de la totalidá d’animales evaluaos hasta güei que pueden escastase.

Presentamos de siguío dalgunes que cuerren esti riesgu en 2021:

Delfines d’agua duce Semeya: Getty Images

Un integrante más se xune a la Llista Colorada de la UICN: los delfines d’agua duce, qu’habiten nes agües de l’Amazones.El tucuxi (Sotalia fluviatilis) amenorgó gravemente la so población nel sistema acuíferu pola mortalidá derivada de la pesca.

Atrapaos ente les redes incidentales, intoxicaos pola contaminación de los ríos, o cazaos illegalmente, delles especies de delfines pierden la vida rápido. P’ayudar a los delfines a recuperase, la organización suxure evitar l’usu d’estes técniques de pesca, por que nun cayan preses d’elles.


Tortúa angonoka  Semeya: Getty Images

Tamién conocida pol so nome científicu, Astrochelys yniphora, esti reptil habita típicamente en Madagascar. A pesar d’atopase nel so hábitat natural, apenes queden unos 400 exemplares nel nordés de la isla africana. Por esta razón, asítiase como xuna de les especies en peligru críticu d’estinción, según la Llista Colorada. La compraventa illegal de los sos güevos, según la pesca y #baltar indiscriminada, son les principales amenaces pa la persistencia d’estes tortúes xigantes.

Rinoceronte de Java  Semeya: Getty Images

El rexistru que lleva la UICN calcula que namá queden 50 rinocerontes de Java. Alcontraos n’Indonesia, estos animales son víctimes de la caza furtiva pa la vienta illegal de los sos cuernos. Al día de güei, el material utilizase pa la medicina tradicional asiática como xuna cura pa les matinaes, fiebres y en dellos casos, el cáncer.

Atún coloráu del sur Semeya: Getty Images

El Thunnus maccoyi habita nos océanos Atlánticu, Índicu y Pacíficu, y ye otra de les especies que figuren na Llista Colorada como xuna especie en peligru críticu d’estinción. Esta condición deriva de la pesca indiscriminada. La organización sollerta que la población escayó nun 85 % en menos de cuatro décades, polo que si esta esplotación sigue, podría sumir por completu.

Lemur cariancho  Semeya:  Getty Images

Esta especie natural de Madagascar ta na Llista Colorada dende 2008, so la categoría de peligru críticu d’estinción. El Prolemur simus menguó en casi un 80 % del total de la so población, nun periodu de 30 años, por#balta escesiva de bambú qu’hai na zona. La minería tamién ye un factor importante na destrucción del so hábitat. Anguaño, tiense rexistru de namá 500 exemplares, munchos de los cualos tán en cautiverio.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *