Publicado en Día de...

¿Por qué güei ye’l día más feliz del añu?

El Yellow Day ye lo contrario al Blue Monday y simbolízase con el color mariellu pola so relación cola positividad y l’enerxía. Falamos con dos psicólogues sobre por qué nesta fecha sentímonos más allegres y de meyor humor.

Más hores de lluz, bon tiempu y les vacaciones asomando al volver la esquina, estos son dellos factores que faen del 20 de xunu, mañana, el día más feliz del añu. Ta popularizándose en redes sociales y denominase Yellow Day n’honor de´l color mariellu, acomuñáu a l’allegría y al optimismu. Ye la contraposición al Blue Monday, el día más murniu del añu que se celebra´l segundu llunes de xineru.

Estos díes utilícense como estratexes de márketing en redes. Sicasí, daqué de ciertu pue haber nello. Tener más hores de lluz ameyora’l nuesu estáu d’ánimu, motívanos a pasar más tiempu al campu y socializar. Amás, nun tenemos el tiempu frescu de primavera nin tampoco’l calor abrasador de branu. Por si esto fuera pocu, munchos yá tán faciendo les maletes para entamar un viaxe o esperando una paga extra, que nunca vien mal.

Coincide col solsticiu de branu, una fecha máxica en munches cultures, yá que marca’l cambéu d’estación de primavera a branu y ye tamién el día con más hores de lluz. Daqué esencial para la producción de serotonina, una de les hormones responsables del sentimientu de felicidá.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *