Publicado en AMCA, Música

AMCA: «30 Aniversariu Conceyu Bable»

Cola creación de l’asociación cultural Conceyu Bable nel añu 1974 entama l’asturianismu modernu, que nel planu lliterariu da orixe al conocíu como Surdimientu y nel musical al movimientu del Nuevu Canciu Astur. Esa fecha marca l’empiezu de lo que podríemos considerar la música asturiana contemporánea.

Por cuenta del XXX Aniversariu d’aquel fechu entamóse un conciertu nel Teatru Campoamor d’Uviéu’l 24 de payares del 2004, nel que s’axuntaron depués de tiempu abondo dellos de los más importantes protagonistes del Nuevu Canciu. Concretamente tuvieron presentes Avelino, Carlos Rubiera, Nel Xiblata, Nuberu, Rafael Lorenzo y Xulio Ramos, tando presentáu l’actu por Xune Elipe y la intervención final del escritor Xuan Bello.

Esta grabación, que nunca viere la lluz, fíxose directamente dende la mesa de soníu y foi dixitalizada y masterizada, suponiendo un documentu únicu y perespecial.

// Calca equí pa sentir el Conciertu 30 Aniversariu Conceyu Bable //

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *