https://bit.ly/3nImD0y- CEGAL (Confederación Española de Gremios y Asociaciones de Libreros)
- CEGAL.es / Ester García /Día del Libro (JPG)
Ester García, estremeña d’orixe y afincada n’Asturies, dibuxó un cartelu col que “quería faer alusión a los mundos posibles que xenera la lliteratura en nós, a tolo que quepe dientro d’un llibru y a cómo los paisaxes de les hestories anúbrennos como llectores”.
Un lleón ye la figura principal del cartelu. Pero detrás de toa imaxe hai daqué más y quixímos pescudalo. Preguntemos a l’artista y esto ye lo que nos cuntó.
Un lleón, “amás d’un gran mamíferu felín de pelame parda claro, cabeza grande, cola llarga terminada nuna guedeya y uñes fuertes qu’usa para cazar, xugando ya imaxinando, un lleón tamién puede ser aquel que llee enforma. Un llector voraz, incansable y valiente.”
Foi intención de l’artista “incluyir un chisgo a Italo Calvino, cuidao que anguaño celébrase’l centenariu de la so nacencia y paecíame guapu faer un pequenu homenaxe al so universu, yá que amás “El barón rampante” ye unu de los mios llibros predilectos.” Y si hai daqué que-y gusta “percima de too, ye ilustrar animales, montes y naturaleza.”
BIOGRAFÍA
Ester García nació en 1984 en Cáceres, y creció entre lápices y montes de llibros infantiles. Ye llicenciada en Belles Artes pola Universidá de Salamanca, onde afaya la ilustración como vocación. Gústa-y cuntar hestories n’imaxes, perdese na naturaleza y viaxar barganal y llueñe. Dende 2008 trabaya como ilustradora, combinando esta faceta con esposiciones dientro y fora d’España. Les sos obres fueron premiaes en certames como the Sharjah Exhibition for Children´s Books Illustrations (Emiratos Árabes), l’ Encontro Internacional de Ilustracao de S. Joao de Madeira (Portugal), el premiu Junceda d’ilustración na categoría Internacional (España), o’l convocáu pola Fundación Cuatrogatos (Miami).
Anguaño mora y trabaya n’Asturies dibuxando animales, montes y otros llugares reales o ficticios.
